احرام کے مسائل
مکہ میں مقیم شخص حج کا احرام کہاں سے باندھے ؟
فتوی نمبر : 17286
مکہ میں مقیم شخص حج کا احرام کہاں سے باندھے ؟
عبادات / حج و عمرہ / احرام کے مسائل
مکہ میں مقیم شخص حج کا احرام کہاں سے باندھے ؟
میں سعودی عرب میں چار سال سے مقیم ہوں اور حج سے پندرہ دن پہلے کام کے سلسلے میں مکہ میں ہوں ، حج کا ارادہ رکھتا ہوں ،اس کے لیے آپ کی مدد کی ضرورت ہے ،مجھے حج کے لیے احرام باندھنے کے لیے مکہ سے باہر جانا ہوگا یا مکہ سے احرام باندھا جائے گا؟حج کے لیے عمرہ آٹھ (8) ذوالحجہ کو ہی کرنا پڑےگایا اس سے پہلے؟ براہِ مہربانی مدد کریں ۔
الجوابُ حامِدا ًو مُصلیِّا ً
سائل اگر حج کا ارادہ رکھتا ہے تو اسے چاہیے کہ مکہ مکرمہ میں داخل ہونے کے بعد آٹھ (۸) ذو الحجہ سے پہلے پہلے عمرہ ادا کرلے،کیونکہ آٹھ ذوالجہ سے ایامِ حج شروع ہو جاتے ہیں، جبکہ حج کا احرام مکہ مکرمہ ہی سے باندھا جاتا ہے ، اس کے لیے باہر جانے کی ضرورت نہیں ۔
مأخَذُ الفَتوی
کما فی الدر المختار : (و) الميقات (لمن بمكة) يعني من بداخل الحرم (للحج الحرم وللعمرة الحل) ليتحقق نوع سفر اھ (2/478)۔
و فیه أیضاً : (وكرهت) تحريما (يوم عرفة وأربعة بعدها) أي كره إنشاؤها بالإحرام حتى يلزمه دم وإن رفضها لا أداؤها فيها بالإحرام السابق اھ (2/473)۔
و فی الہندیة: (ووقتها) جميع السنة إلا خمسة أيام تكره فيها العمرة لغير القارن كذا في فتاوى قاضي خان وهي يوم عرفة ويوم النحر وأيام التشريق والأظهر من المذهب ما ذكرنا اھ (1/237)۔
Related Fatawa متعلقه فتاوی
Related Topics متعلقه موضوعات
-
223احکام حجRules for Haj
-
132احکام عمرہRules for Umrah
-
104احرام کے مسائلCloth of a Mecca pilgrim
-
37طواف و سعیTawaf And Saae