احرام کے مسائل
ایک ہی احرام کے ساتھ ایک سے زائد عمرے کیے جاسکتے ہیں؟
فتوی نمبر : 57408
ایک ہی احرام کے ساتھ ایک سے زائد عمرے کیے جاسکتے ہیں؟
عبادات / حج و عمرہ / احرام کے مسائل
ایک ہی احرام کے ساتھ ایک سے زائد عمرے کیے جاسکتے ہیں؟
کیا ایک سفر میں ایک ھی احرام سے ایک سے زیادہ عمرے ادا کر سکتے ھیں
الجوابُ حامِدا ًو مُصلیِّا ً
واضح کہ احرام محض دو چادروں کے باندھ لینے کا نام نہیں ہے بلکہ حج یا عمرے کی نیت کرنے اورتلبیہ پڑھ لینے سے آدمی احرام میں داخل ہو جا تا ہے،اور جب تک محرم افعال حج یا عمرہ کی ادائیگی نہیں کرتا، اس وقت تک وہ احرام میں ہی رہتاہے،اور افعال حج یا عمرے مکمل کرکے حلق یاقصر کرنے کے بعد احرام کی پابندی ختم ہوکرمحرم حلال ہوجاتاہے، جبکہ دوبارہ عمرہ کرنے کے لیےباقاعدہ مسجد عائشہ یا مقام جعرانہ جاکر دوبارہ مستقل احرام باندھنا ضروری ہے، اس لیے ایک ہی احرام میں متعدد عمرے کرنا شرعادرست نہیں۔
البتہ اگرسائل کی سوال کا منشاء یہ ہو کہ احرام کی ان مخصوص چادروں ؐمیں ایک سے زائد عمرے کیے جاسکتے ہیں یا نہیں؟ تو ان ہی چادروں کے ساتھ ایک سے زائدمرتبہ احرام باندھ کرمتعددعمرے کرنابلاشبہ جائز اور درست ہے۔
مأخَذُ الفَتوی
کما فی البحر العمیق:
یجب ان یعلم ان الجمع بین احرامی الحج او احرامی العمرۃ بدعۃ بالاتفاق بین اصحابنا
وفی الجامع الصغیر للعتابی حرام؛ لانہ من اکبر الکبائر ھکذا روی عن النبی صلی اللہ علیہ وسلم۔۔۔۔۔۔فی المحیط ولا جمع بین احرامی العمرۃ مکروہ۔۔۔۔۔وقال رجل فرغ من عمرتہ الا التقصیر فاحرم باخری فعلیہ دم۔(ج:2 ص:778، 784 الباب السابع فی الاحرام)
شفیع اللہ عُفی عنه
دار الافتاء جامعه بنوریه عالمیه
فتوی نمبر 57408کی تصدیق کریں
Related Fatawa متعلقه فتاوی
Related Topics متعلقه موضوعات
-
222احکام حجRules for Haj
-
130احکام عمرہRules for Umrah
-
104احرام کے مسائلCloth of a Mecca pilgrim
-
37طواف و سعیTawaf And Saae