مشترکہ مکان کے سستا یا مہنگا ہونے کی صورت میں تقسیم کا طریقہ اور حکم

میں مرزا عدیل بیگ ولد مرزا اطہر بیگ !میرے والد صاحب نے 2010 میں ایک مکان خریدا، جس کی قیمت اس وقت43 لاکھ روپے تھی، میں نے اس رقم میں آٹھ لاکھ اسی ہزار (880000) روپے ملایا، اور یہ پیسے دیتے وقت میں نے ان سے کہا کہ بیچتے وقت جو بھی نفع یا نقصان ہوگا، اس حساب سے واپس لونگا، اس بات پر میرے والد صاحب اور دونوں بھائی مرزا سعد بیگ اور مرزا حسیب بیگ سب رضا مند تھے، اور ابھی بھی ہیں، میرا سوال ہے کہ اب اگر نفع ہو رہا ہے ،تو شرعی لحاظ سے زیادہ پیسے لینا جائز ہے یا نہیں؟میرے والد صاحب نے ایک اور جگہ سے فتویٰ لیا ہے، تو انہوں نے اسے عدمِ جواز کا فتویٰ دیا ہے ،اور میر ی رقم کو ہبہ کہا ۔ آپ شرعی لحاظ سے ہمیں اس مسئلے کا بتائیں کہ منافع کے حساب سے رقم واپس لینا جائز ہے یا نہیں؟ جزاک اللہ !

الجوابُ حامِدا ًو مُصلیِّا ً

صورتِ مسئولہ میں مکان سائل اور اس کے والد کے درمیان ہر ایک کے لگائے گئے سرمایہ کے تناسب سے مشترک ہے، اب سستا یا مہنگا ہونے کی صورت میں اسی تناسب کو بنیاد بناتے ہوئے تقسیم کی جائے گی،چاہے اب اس کی قیمت بڑھی ہوئی کیوں نہ ہو۔

مأخَذُ الفَتوی

كما في الهداية شرح البداية: فإن شرطا أن المشتري بينهما نصفان والربح كذلك يجوز ولا يجوز أن يتفاضلا فيه وإن شرطا أن يكون المشترى بينهما أثلاثا فالربح كذلك اھ (3/ 11)۔
كما في الدر المختار: وشرعا (عبارة عن عقد بين المتشاركين في الأصل والربح) (4/ 299)۔
وفي الفتاوى الهندية: أما الشركة بالمال فهي أن يشترك اثنان في رأس مال فيقولا اشتركنا فيه على أن نشتري ونبيع معا أو شتى أو أطلقا على أن ما رزق الله عز وجل من ربح فهو بيننا على شرط كذا أو يقول أحدهما ذلك ويقول الآخر نعم كذا في البدائع اھ (2/ 302)۔