خلع
خلع کتنی دفعہ لی جاسکتی ہے ؟
فتوی نمبر : 4413
خلع کتنی دفعہ لی جاسکتی ہے ؟
معاملات / احکام طلاق / خلع
خلع کتنی دفعہ لی جاسکتی ہے ؟
السلام علیکم ! مفتیان کرام میں مولانا مسعود ہوں ،یو گنڈا سے، صرف یہ معلوم کرنا ہے کہ خلع کتنی دفع لی جا سکتی ہے۔
الجوابُ حامِدا ًو مُصلیِّا ً
میاں بیوی کے درمیان ان کی باہمی رضا مندی سے عقد خلع اس طریقہ سے طے ہو جائے کہ بیوی حق مہر کی معافی کے عوض اس کو طلاق یا خلع پر رضامند کرے، اور شوہر اُسے خلع دینا قبول کر لے، تو اس سے فقط ایک طلاق بائن ہی واقع ہوتی ہے،اور علیحدگی کیلئے ایک بار خلع کافی ہے تاہم اس کے بعد اگر وہ دوباره ازدواجی تعلق قائم کرنا چاہیں، تو دوران عدت اور اگر عدت ختم ہو چکی ہو ،تو بھی گواہوں کی موجودگی میں نئے حق مہر کے تقرر کے ساتھ دوبارہ نکاح ہو سکتا ہے،اور اگر اس عقد نکاح کے بعد پھر خلع کرنا چاہیں تو اس کا بھی یہی طریقہ ہے جو اوپر مذکور ہوا اور اس طرح تین مرتبہ کرنے سے تین طلاق حرمت مغلظہ کے ساتھ واقع ہو جائیں گی اور اس تیسری مرتبہ کے بعد بغیر حلالہ شرعیہ کے ان دونوں کا دوبارہ نکاح نہیں ہو سکتا ۔
مأخَذُ الفَتوی
کما في الدر المختار: (و) حكمه ان ( الواقع به ) ولو بلا مال (و بالطلاق) الصر يح ( على مال طلاق بائن ( ٣ / ٤٤٤) ۔
وفي رد المحتار تحت(قوله لو قضى بكونه فسخا ) اى كما هو قول الحنابلة انه لا يقع به طلاق بل هو فسخ لا ينقص العدد بشرط عدم نية الطلاق اھ (3/ 444)
شہزاد معین الدین عُفی عنه
دار الافتاء جامعه بنوریه عالمیه
فتوی نمبر 4413کی تصدیق کریں
Related Fatawa متعلقه فتاوی
Related Topics متعلقه موضوعات
-
1171طلاقDivorce
-
205خلعKhula
-
166حلالہ اور طلاق مغلظہHalala and Irrevocable Divorce
-
144طلاق معلقہConditional Divorce
-
56رجوع طلاقRevocation of Divorce
-
54حرمت مصاهرتThe sanctity of affinity
-
36تفریق و تنسیخSeparation and Invalidation
-
12تفویض طلاقDelegating the Right to Divorce
-
4زوجہ مفقودMissing Man Wife
-
3تیممTayammum