کونسا مسلک صحیح ہے، دیوبندی یا بریلوی؟

1. السلام علیکم! مفتی صاحب! کونسا مسلک صحیح ہے دیوبندی یا بریلوی؟
2. ہم کس طرح قرآن تجوید سے پڑھ سکتے ہیں؟
3. ہم کس طرح قلب و نظر کی حفاظت کر سکتے ہیں؟

الجوابُ حامِدا ًو مُصلیِّا ً

1. واضح ہو کہ جو لوگ ادلہ اربعہ (قرآن، سنت، اجماع، قیاس) کو حجتِ شرعیہ ماننے کے ساتھ ساتھ عقائد اور احکام میں حضراتِ صحابہ کرام رضی اللہ علیہم اجمعین کے مسلک اور طریق پر عمل پیرا ہوں اور فروع میں ائمہ اربعہ میں سے کسی ایک کےمقلد ہوں وہی لوگ حق پر ہیں، ہمارے نزدیک حضراتِ علماءِ دیوبند مذکور صفات کے حامل اور ان پر عمل پیرا ہونے کے وجہ سے ان کا شمار علماء ِحق میں ہوتا ہے، اس لیے بلاشبہ انہی کے طریقہ کا ر کا اہتمام چاہیے۔
2. قرآنِ کریم کو تجوید سے پڑھنے کے لیے کسی مجوّد قاری صاحب سے مشق کرنا ضروری ہے۔
3. قلب و نظر کی حفاظت کے لیے ایسے نیک لوگوں کے ماحول اختیار کرنے کے ساتھ ساتھ کسی معتبر عالمِ دین سے بیعت کرنااور ان کے بتائے ہوئے طریقوں پر عمل کرنا بھی مفید ہے اور اسی کا اہتمام بھی چاہیے۔ واللہ أعلم