وہاب اللہ تعالی کاتوصیفی نام ہے ،کسی کووہابی کہناکیساہے؟

محترم مفتی صاحبان آپ لوگ کس گروہ سے تعلق رکھتے ہیں سنی یا دوسرے؟ کیونکہ آج کل بہت سے متحاربی گروہ بن گئے ہیں،جیسے وہ لوگ جو ہری پگڑی باندھتے ہیں، جبکہ بریلوی اپنے آپ کو اب بھی سنی کہتے ہیں، جبکہ وہ نہیں ہیں، اور ہم کو وہابی کہتے ہیں ایک غلط انداز سے، بہت سے ان میں نہیں جانتے کہ وہاب اللہ تعالیٰ کے توصیفی ناموں میں سے ایک ہے۔

الجوابُ حامِدا ًو مُصلیِّا ً

محترم سائل! ہمارا مسلکی تعلق ’’اہل سنت والجماعت‘‘ علماءِ احناف رحمہم اللہ کے اس گروہ سے ہے جس نے نہ صرف یہ کہ بے سروسامانی کے عالم میں دینِ متین کی حفاظت کی اور اسے باعثِ فخر سمجھا بلکہ برصغیر پاک وہند میں انگریز کے قدم جمانے پر اُن کے خلاف اعلانِ جہاد بلند کرتے ہوئے جان کا نذرانہ تو پیش کردیا مگر انگریز کی چاکری اور نظام کو یکسر ٹھکرادیا اور ہر باطل کے تعاقب میں برسرپیکار میدان میں نکلا اور موجودہ دور میں اسے علماء اہل سنت والجماعت علماء دیوبند کے نام سے تعبیر کیا جاتا ہے۔ اللّٰہم ارحمہم رحمۃ واسعۃ۔ واﷲ اعلم