احکام عمرہ

نامحرم عورت کو عمرہ و حج کی ادائیگی کے لیے اپنے گروپ میں شامل کرنا جائز ہے؟

فتوی نمبر :
79196
| تاریخ :
2024-11-07
عبادات / حج و عمرہ / احکام عمرہ

نامحرم عورت کو عمرہ و حج کی ادائیگی کے لیے اپنے گروپ میں شامل کرنا جائز ہے؟

السلام علیکم ورحمۃ اللہ وبرکاتہ! ہمارے آفس والے ابھی حال ہی میں ہم دس لوگوں کو ایک عمرہ کے سفر پر بھیج رہے ہیں۔ عمرہ سے واپسی پر ہم نے انشاءاللہ حج ادا کرنے کی نیت کی ہے، ہمارے دس کے دس ساتھی حالاً مختلف حج پیکج ڈھونڈ رہے ہیں۔ مسئلہ یہ ہے کہ ہم آٹھ مرد اور دو خواتین ہیں، ایک خاتون ہمارے گروپ میں موجود مرد کی بیوی اور غیر محرم ہے ،لیکن دوسری خاتون اکیلی ہے اور گروپ میں اس کا کوئی محرم موجود نہیں ہے، وہ اس سال حج ادا کرنا چاہتی ہے اور بغیر محرم کے ہمارے گروپ کا حصہ بننا چاہتی ہے۔ میرا سوال یہ ہے کہ اسلامی تعلیمات/اصول کیا ہے کہ ہمیں ان کو گروپ میں شامل کرنے سے پہلے سوچنا چاہیے؟ ہمیں نہیں پتہ کہ کیا کرنا چاہیے، کیا ہمیں اس کو گروپ میں شامل نہیں کرنا چاہیے؟ یا کیا ہم ا سے شمولیت فراہم کریں؟ مہربانی کر کے رہنمائی فرمائیں ،اگر یہ مناسب مسئلہ نہیں یا اگر ہم نے آپ کا وقت ضائع کیا ہو تو معاف کر دیجئے۔

الجوابُ حامِدا ًو مُصلیِّا ً

واضح ہو کہ مسافتِ شرعیہ کے بقدر کسی بھی غرض سے سفر پر جاتے وقت عورت کے ساتھ محرم مرد یا شوہر کا ہونا ضروری ہے، ورنہ بغیر محرم کے سفر کرنے کی وجہ سے شرعا ً وہ گناہ گار ہوگی ،اس لئے جو عورت صاحبِ نصاب اور مالدار ہو لیکن اس کامحرم مرد یا شوہر موجود نہ ہو ،یا محرم مرد اور شوہر تو ہو لیکن اس کے اخراجات برداشت نہ کر سکتی ہو تو وہ عورت اس وقت تک حج یا عمر ادا نہیں کرسکتی جب تک محرم مرد اور شوہر یا اس کے اخراجات کا بندوبست نہ ہو جائے۔لہذا صورتِ مسئولہ میں مذکور عورت کا بغیر محرم مرد یا شوہر کے گروپ والوں کے ساتھ حج اور عمرہ کی ادائیگی کیلئے جانا جائز نہیں، لیکن اگر وہ عورت بلا محرم مرد یا شوہر کے حج یا عمرہ ادا کرے گی تو کراہتِ تحریمی کے ساتھ ادا ہو جائیگا، لیکن بغیر محرم کے سفر کرنے کا گناہ ہوگا ،جبکہ اس خاتون کو گروپ میں شامل کرنے کی وجہ سے سائل یا گروپ کے دیگر ممبران کی ادائیگیِ حج متاثر نہ ہوگی، تا ہم اس دوران پردۂ شرعیہ کا اہتمام لازم ہوگا۔

مأخَذُ الفَتوی

كما فی الدر المختار: ( و ) مع ( زوج أو محرم ) و لو عبدا أو ذميا أو برضاع ( بالغ ) قيد لھما كما فی النھر بحثا ( عاقل والمراهق كبالغ ) جوهرۃ، ( غير مجوسی و لا فاسق ) لعدم حفظھما ( مع ) وجوب النفقه لمحرمھا ( عليھا ) لأنه محبوس ( عليھا ) لامرأۃ حرۃ و لو عجوزا فی سفر (إلى قوله) و لو حجت بلا محرم جاز مع الكرھۃ إلخ۔
و فی رد المحتار تحت: ( قوله مع الكراهۃ ) أی التحريميہ للنھی فی حديث صحيحين (( لاتسافر إمرأۃ ثلاثا إلا و معھا محرم )) زاد مسلم فی روايۃ (( أو زوج )) إلخ( كتاب النكاح، ج: 2، ص: 464، ط: سعید )۔
و فی بدائع الصنائع: و أما الذی يخص النساء فشرطان أحدهما أن يكون معھا زوجھا أو محرم لھا و إن لم يوجد أحدهما لايجب عليھا الحج و هذا عندنا (إلى قوله) و لايجب الحج عليھا وجه ما ذكره القدوری أن المحرم أو الزوج من ضرورات حجھا بمنزلۃ الزاد و الراحلۃ إذ لايمكنھا الحج بدونه كما لايمكنھا الحج بدون الزاد و الراحلۃ و لايمكن الزام ذلك الزوج أو المحرم من مال نفسه فيلزمھا ذلك له كما يلزمھا الزاد و الراحله لنفسھا إلخ( كتاب الحج، فصل: شرائط فرضيته، ج: 2، ص: 123، ط: سعید )۔
و فی الفتاوى التاتارخانيۃ: و المحرم فی حق المرأۃ شرط، شابۃ كانت أو عجوزا إذا كانت بينھا و بين مكۃ مسيرۃ ثلاثۃ أيام و فی التجريد: و إن كان أقل من ذلك لم يعتبر (إلى قوله) و يجب عليه النفقۃ و الراحلۃ فی مالھا للمحرم ليحج بھا، م: و روی الحسن عن إبی حنيفۃ فی المرأۃ القادرۃ على نفقۃ نفسھا و نفقۃ المحرم أن الحج يفترض عليھا إلخ( كتاب الحج، فصل: شرائط الوجوب، ج: 2، ص: 434، ط: إدارۃ القرآن و العلوم الإسلامیۃ )۔

واللہ تعالی اعلم بالصواب
محمد عمر فاروق شیر عُفی عنه
دار الافتاء جامعه بنوریه عالمیه
فتوی نمبر 79196کی تصدیق کریں
0     45
Related Fatawa متعلقه فتاوی
  • بغیر احرام کے مکہ میں داخل ہونا

    یونیکوڈ   اسکین   احکام عمرہ 0
  • دوران عمرہ حیض آجائے تو عورت کیا کرے؟

    یونیکوڈ   اسکین   احکام عمرہ 1
  • نامحرم عورت کے نام سے نفلی عمرہ کرنا

    یونیکوڈ   اسکین   احکام عمرہ 0
  • جدہ سے ریاض یا دمام جانا ہو تو عمرے کاحکم

    یونیکوڈ   اسکین   احکام عمرہ 0
  • احرام باندھنے کے بعد اگرائرپورٹ پر روک لیاجائے توکیاکرناہوگا؟

    یونیکوڈ   اسکین   انگلش   احکام عمرہ 0
  • باون سالہ خاتون کا اکیلے عمرہ کرنا

    یونیکوڈ   اسکین   احکام عمرہ 1
  • رضاعی بھتیجے کے ساتھ حج یا عمرہ پر جانا

    یونیکوڈ   اسکین   احکام عمرہ 0
  • ماسک لگاکر عمرہ کرنے کا حکم

    یونیکوڈ   اسکین   احکام عمرہ 0
  • عورت کا اپنے بارہ سالہ بیٹے کے ساتھ عمرہ پر جانا

    یونیکوڈ   اسکین   انگلش   احکام عمرہ 0
  • بزنس ویزے پر عمرہ کرناجائزہے؟

    یونیکوڈ   اسکین   انگلش   احکام عمرہ 0
  • ہیئر ٹرانسپلانٹ کروانے کے بعد عمرہ میں حلق کیسے کروائے

    یونیکوڈ   اسکین   احکام عمرہ 0
  • کیا عمرہ پر جانے سے حج فرض ہوجاتا ہے؟

    یونیکوڈ   انگلش   احکام عمرہ 0
  • سفرِ عمرہ میں نمازیں قصر پڑھیں گے یا پوری ؟

    یونیکوڈ   احکام عمرہ 0
  • عمرہ رسیدہ خاتون کا بغیر محرم عمرہ کے سفر پر جانا

    یونیکوڈ   احکام عمرہ 0
  • عورت کا بغیر محرم عورتوں کی جماعت کے ساتھ عمرہ کیلئے جانا

    یونیکوڈ   احکام عمرہ 0
  • عمرے کے طواف کے دوران پیشاب کے قطرے آنے کا حکم

    یونیکوڈ   احکام عمرہ 0
  • احرام کی حالت میں کس طرح کی چپل پہن سکتے ہیں؟

    یونیکوڈ   احکام عمرہ 0
  • قطروں کی بیماری کی وجہ سے احرام کے نیچے انڈر ویئر پہننا

    یونیکوڈ   احکام عمرہ 0
  • مقروض شخص کا قرض ادائیگی سے قبل عمرہ کرنا

    یونیکوڈ   احکام عمرہ 0
  • Going for Umrah on a lottery drawn by the working place

    یونیکوڈ   انگلش   احکام عمرہ 0
  • Ruling on trimming or cutting the hair beyond the boundary of Haram

    یونیکوڈ   انگلش   احکام عمرہ 0
  • بیوی کا شوہر سے عمرہ کا خرچہ مانگنا

    یونیکوڈ   احکام عمرہ 0
  • دورانِ عدت عمرہ کی ادائیگی کا حکم

    یونیکوڈ   احکام عمرہ 0
  • عورت کا چودہ سالہ بیٹے کے ساتھ عمرہ پر جانا

    یونیکوڈ   احکام عمرہ 0
  • احرام میں کچھ دیر کیلئے ممنوعہ چپل پہننا

    یونیکوڈ   احکام عمرہ 0
Related Topics متعلقه موضوعات