السلام علیکم و رحمت اللہ وبرکاتہ!محترم مفتی صاحب،میرا سوال سالانہ انتظامی اخراجات کے حوالے سے ہے۔میں ایک یونیورسٹی میں زیر تعلیم ہوں جو کہ طلباء کیلئے مالی معاونت کا ایک ضرورت پر مبنی پروگرام چلاتی ہے، جو ان طلبہ کو فراہم کیا جاتا ہے جو اپنی ٹیوشن اور دیگر فیسیں ادا کرنے سے قاصر ہوں ۔ اس پروگرام کے تحت طلبہ کو یہ سہولت دی جاتی ہے کہ وہ اپنے تعلیمی اخراجات کے پیسے بعد میں ادا کر سکیں۔ یونیورسٹی کے مطابق یہ قرضہ سود سے پاک ہے، تاہم اس پر سالانہ ٪ 5 انتظامی چارج (Administrative Charges) لاگو کیا جاتا ہے۔(یونیورسٹی طلباء کو 6 ہزار روپیہ جیب خرچ کیلئے بھی دیتی ہے اگر کوئی لینا چاہے)میرا سوال یہ ہے کہ یہ٪ 5 انتظامی چارج کیا شرعی طور پر جائز ہے یا یہ سود کے زمرے میں آتا ہے؟اور اگر یہ سود کے دائرے میں آتا ہے، تو وہ طلبہ جو یہ قرض لے چکے ہیں، اس صورت میں کیا کر سکتے ہیں؟جزاک اللہ خیراً؟
صورتِ مسئولہ میں مذکور یونیورسٹی تعلیمی قرض فراہم کرنے کے بعد انتظامی چارجز کے نام سےجو سالانہ پانچ فیصد رقم وصول کرتی ہے،ان چارجز کا کسی واقعاتی اخراجات کے عوض ہونا معلوم نہیں ہوتا، بلکہ قرض كے بدلے اضافی رقم وصول کرنا ہے جو کہ سود کے زمرے میں داخل ہونے کی وجہ سے جائز نہیں۔ لہذا یونیورسٹی سے مذکور اسکیم کے تحت مالی معاونت کا حصول درست نہیں ،جس سے احتراز چاہیئے۔ البتہ جن طلبہ نے لاعلمی میں اس طرح قرض حاصل کیا ہے انہیں اپنے اس عمل پر توبہ اور استغفار کے ساتھ ساتھ جلد از جلد اس رقم کو واپس کرنے کا اہتمام چاہیئے تاکہ مزید اضافی رقم دینے سے بچا جا سکے۔
كما فی الدر المختار: (يستحق القاضي الاجر على كتب الوثائق) و المحاضر و السجلات (قدر ما يجوز لغيره كالمفتى) فإنه يستحق أجر المثل على كتابة الفتوى لان الواجب عليه الجواب اللسان دون الكتابة بالبنان، و مع هذا الكف أولى احترازا عن القيل و القال و صيانة لماء الوجه عن الابتذال إلخ- (فقه البىوع للشىخ محمد تقى العثمانى،ج: 6، ص: 92، ط: سعيد)-
سونا قرض دے کر بعد میں کچھ کی ادائیگی کے لئے سونے اور بقیہ کی ادائیگی کے لئے نقد رقم کی شرط لگانا
یونیکوڈ سود 1