انویسٹ کردہ رقم کے بدلہ بائیک خریدکر دینے کا حکم

نہایت ادب سے گزارش ہے کہ اگر بندا کسی دوست احباب سے اپنے کاروبار میں invest کرنے کے لیے پیسے لے اور ٦ ماہ بعدپیسو ں کی بجاے اس کو وہ بائیک دلوا کے دے جس کی نقد مالیت ان پیسوں سے زائد ہے جو کہ اپنے دوست سے لیے تھےاور دونو ں کی اس میں رضا مندی شامل ہو ۔آیا کہ اس طرح کا لیں دیں جائز ہے کہ نہیں ؟اور دیگر کوئی صورت جائز ہو اگر تو اس سے بھی آگاہ کر دیں جزاکﷲ خیر

الجوابُ حامِدا ًو مُصلیِّا ً

صورتِ مسئولہ میں مذکور شخص اور اس کے دوست کے درمیان کامعاملہ اگرقرض کا ہو ،اور قرض کی ادائیگی کی مدت چھ ماہ مقرر کی گئی ہو تو دوست کے ذمہ مذکور شخص کو لی گئی رقم کے بقدر ہی پیسے واپس کرنا لازم ہے ،لیکن اگر قرض کی ادا ئیگی کے وقت اپنے دوست کو قرض واجب الادا کے عوض دوست کی رضامندی سے کوئی بائیک دیدے ( اور ابتداءً دونوں کے درمیان ایسی کوئی بات طے نہ ہوئی ہو تو ) چاہے اس بائیک کی قیمت قرض سے کم ہو یا زیادہ تو لین دین کا یہ معاملہ بلاشبہ جائز اور درست ہوگا ،تاہم اگر مذکور شخص اور اس کے دوست کے درمیان پیسوں کے لین دین کامعاملہ قرض کا نہ ہو، بلکہ کوئی اور صورت ہو تو اس کی مکمل وضاحت کر کے سوال مکرر ارسال کیا جائے انشاء اللہ حکم شرعی سے بھی آگاہ کردیا جائے گا ۔

مأخَذُ الفَتوی

وفی بدائع الصنائع : لما روي عن رسول الله صلى الله عليه وسلم أنه «نهى عن قرض جر نفعا» ؛ ولأن الزيادة المشروطة تشبه الربا؛ لأنها فضل لا يقابله عوض، والتحرز عن حقيقة الربا، وعن شبهة الربا واجب الخ ،( فصل فی شرائط رکن القرض،ج: 7 ص: 395 ناشر : سعید )
وفیہ ایضاً : فأما إذا كانت غير مشروطة فيه ولكن المستقرض أعطاه أجودهما؛ فلا بأس بذلك؛ لأن الربا اسم لزيادة مشروطة في العقد، ولم توجد، بل هذا من باب حسن القضاء، وأنه أمر مندوب إليه قال النبي عليه السلام: «خيار الناس أحسنهم قضاء» اھ ،( فصل فی شرائط رکن القرض،ج: 7 ص: 395 ناشر : سعید )