کریانہ اسٹور وغیرہ میں شرکت کا طریقہ

کیا فرماتے ہیں مفتیان کرام اس مسئلہ کے بارے میں کہ کریانہ جنرل اسٹور اور ہول سیل اینڈ ریٹیل تجارت (یعنی صابن ، صرف سپلائی)میں اگر کوئی انویسٹ کرے گا تو اسے ماہانہ آمدنی کس حساب سے دینا جائز ہے؟ عرف عام میں مارکیٹ یا کمپنیاں اور دیگر تاجر حضرات ایک لاکھ پر یعنی ایک لاکھ کی انویسٹمنٹ پر 2 فیصد ، کوئی 3فیصد، اور کوئی 1 یا ڈیڑھ فیصد بھی دیتا ہے، کریانہ اسٹور کا بلکل کنفرم حساب کرنا نا ممکن ہے، بس اندازے سے سب چل رہا ہو تا ہے، تو اب یہ فیصدی حصہ منافع میں ہونا چاہیے یا انویسٹمنٹ کی رقم پر؟

الجوابُ حامِدا ًو مُصلیِّا ً

واضح ہوکہ شرکت ( پارٹنر شپ) کی صحت کی منجملہ شرائط میں سے ایک شرط یہ بھی ہے کہ نفع فیصدی اعتبار سے طے کیا جائے،رقم کی صورت میں یا اصل سرمایہ پر فیصدی اعتبار سے نفع طے کرنا شرعاً جائز نہیں جس سے احتراز لازم ہے، لہٰذا صورت مسئولہ میں کریانہ یا ہول سیل کے کاروبار میں اگرچہ روزانہ یا ماہانہ منافع کا دقیق حساب مشکل ہو، پھر بھی مجموعی حساب کتاب کے ذریعے حاصل شدہ حقیقی منافع معلوم کرکے اسی کو باہمی طے شدہ فیصدی تناسب سے تقسیم کرنا لازم ہے، ایک لاکھ روپے پر ماہانہ٪ 2، ٪3یا اس جیسی متعین رقم (اگرچہ بازار میں اس کا عرف ہی کیوں نہ ہو )مقرر کرنا شرعاً جائز نہیں ،جس سے احترازلازم ہے۔

مأخَذُ الفَتوی

وفي البدائع: وهو الشركة بالأموال: فهو أن يشترك اثنان في رأس مال، فيقولان اشتركنا فيه، على أن نشتري ونبيع معا، أو شتى، أو أطلقا على أن ما رزق الله عز وجل من ربح، فهو بيننا على شرط كذا، أو يقول أحدهما: ذلك، ويقول الآخر: نعم.(كتاب لاشركة، انواع الشركة، ج: ٦، ص: ٥٦، مط: سعيد)
وفي الدر المختار: (وكون الربح بينهما شائعا) فلو عين قدرا فسدت (وكون نصيب كل منهما معلوما) عند العقد.
ومن شروطها: كون نصيب المضارب من الربح حتى لو شرط له من رأس المال أو منه ومن الربح فسدت،(كتاب المضاربة، ج: ٥، ص: ٦٤٨، مط: سعيد)