عید میلاد النبیؐ منانا بدعت ہے تو اس دن سیرت کے جلسے کرنا کیسے جائز ہے؟

عید میلاد النبی ﷺمنانا دیوبندیوں کے نزدیک بدعت ہے ،اور ہر بدعت گمراہی ہے ، تو پھر 12 ربیع الاول کے دن سیرت کے جلسے کرنا کیسے جائز ہے؟اور دیو بند سے تعلق رکھنے والے حضرات جیسا کہ جنید جمشید 12 ربیع الاول کو QTV/ARYپر اس پروگرام میں کیوں شامل ہوتے ہیں؟ جب کہ علماءدیوبند کے نزدیک 12 ربیع الاول آپﷺ کی ولادت کادن نہیں ہے ۔

الجوابُ حامِدا ًو مُصلیِّا ً

سیرت کے جلسے کرنا چاہے وہ ربیع الاول کی بارہ(12)تاریخ کو ہو یا کسی اور دن ناجائز اور منع نہیں، مگر سال بھر میں صرف اسی دن کو زیادہ باعث ثواب سمجھ کر منانا اور اس کو عید میلاد کا نام دیدینا اور جو ایسا نہ کرے، اس کو مختلف القاب سے نوازنا (جیسا کہ بعض لوگوں کا شعار بن گیا ہے ) تو اس کی وجہ سے ایک جائز، بلکہ مستحب امر بھی بدعت بن جاتا ہے، لہٰذا بجائے فرقہ پرستی اور اعتراض والے رویہ کے اتباع شریعت کا اہتمام کرنا چاہیے ۔

مأخَذُ الفَتوی

ففی حاشية ابن عابدين (رد المحتار): (قوله وبالله) زاده على ما في الكنز والهداية( إلی قولہ) ولذا منعوا عن الاجتماع لصلاة الرغائب التي أحدثها بعض المتعبدين لأنها لم تؤثر على هذه الكيفية في تلك الليالي المخصوصة وإن كانت الصلاة خير موضوع اھ(2/ 235)
وفیہ ایضاً: وقد صرح بعض علمائنا وغيرهم بكراهة المصافحة المعتادة عقب الصلوات مع أن المصافحة سنة، وما ذاك إلا لكونها لم تؤثر في خصوص هذا الموضع، فالمواظبة عليها فيه توهم العوام بأنها سنة فيه (2/ 235)و اللہ أعلم بالصواب!