باپ کا بیٹی کے ساتھ غلط تعلق قائم کرنا اور کسی کو بتانے پر ڈرانا دھمکانا

باپ اگر اپنی ہی بیٹی کو اپنے ساتھ برائی کی طرف بلائے، اور اسے دھمکائے کہ اگرکسی کو بتایا تو تمہاری ماں کو طلاق دے دوں گا توکیا اس لڑکی پر اس کے باپ کی ولایت قائم رہے گی؟ اور راہنمائی فرمائیں اس صورت میں لڑکی کیا کرے ؟

الجوابُ حامِدا ًو مُصلیِّا ً

باپ کا اپنی بیٹی کو برائی کی طرف بلانا، اور کسی پر ظاہر کرنے کی صورت میں اس کی ماں کو طلاق کی دھمکی دینا انتہائی غلط اور کمینگی ہونے کے ساتھ شرعاً ناجائز اور حرام عمل ہے ، ایسے خبیث النفس باپ سے بیٹی کو پردہ کرنا چاہیے ، تاہم اس گناہ کی وجہ سے باپ کی ولایت ختم نہیں ہوتی۔

مأخَذُ الفَتوی

كما في القرآن الكريم : {وَلَا تَقْرَبُوا الزِّنَا إِنَّهُ كَانَ فَاحِشَةً وَسَاءَ سَبِيلًا } [الإسراء: 32]
و في صحيح مسلم: عن علي، أن رسول الله صلى الله عليه وسلم بعث جيشا، (إلی قوله) وقال: «لا طاعة في معصية الله، إنما الطاعة في المعروف» اھ (3/ 1469)
و في حاشية ابن عابدين (رد المحتار): وحاصله أن الفسق وإن كان لا يسلب الأهلية عندنا، لكن إذا كان الأب متهتكا لا ينفذ تزويجه إلا بشرط المصلحة ومثله ما سيأتي من قول المصنف ولزم ولو بغبن فاحش أو بغير كفء إن كان الولي أبا أو جدا لم يعرف منهما سوء الاختيار وإن عرف لا اهـ وبه ظهر أن الفاسق المتهتك وهو بمعنى سيئ الاختيار لا تسقط ولايته مطلقا اھ (3/ 54) واللہ اعلم بالصواب