دورانِ عدت عورت کا زیارت کیلئے مدینہ جانا

میری سالی اپنے شوہر اور بچوں سمیت (عمرہ ویزا پر) سعودی عرب آئی،اس کے شوہر کا عمرہ کرتے ہوئے انتقال ہو گیا اور اب وہ سعودی عرب میں اپنی بہن کے گھر ہے،سوال یہ ہے کہ اب وہ مدینہ زیارت کے لئے جانا چاہتی ہے جبکہ وہ عدت میں بھی ہے اس کو یہ فکر لاحق ہے کہ وہ نہیں جانتی کہ اسے دوبارہ مدینہ جانے کا موقع کب ملے گا،مزید یہ کہ اسے چار ماہ کا حمل بھی ہے،برائے مہربانی اس کی عدت اور مدینہ جانے کی خواہش کے بارے میں رہنمائی فرمائیں۔

الجوابُ حامِدا ًو مُصلیِّا ً

واضح ہو کہ دورانِ عدت عورت کے لئے بغیر کسی عذرِ شرعی کے گھر سے نکلنا یا سفر کرنا شرعاً جائز نہیں،لہذا صورتِ مسؤلہ میں سائل کی سالی کا صرف مدینہ زیارت کے لئے جانا شرعاً جائز نہیں،بلکہ اس پر لازم ہے کہ وہیں سعودی عرب میں اپنی بہن کے گھر پر عدت پوری کرے ،بشرطیکہ وہاں عدت مکمل کرنے میں کسی قسم کے فتنہ کا خوف نہ ہو،تاہم ویزا ختم ہونے کی صورت میں اس کی مدت بڑھانے کی کوئی صورت ممکن نہ ہو اور سعودی حکومت کی جانب سے بھی مزید ٹھہرنے کی اجازت نہ ہو تو بامرِ مجبوری اپنے ملک آکر اپنے گھر میں عدت پوری کر سکتی ہے۔
جبکہ دورانِ عدت واپسی کی صورت میں اگر جدہ ائیرپورٹ سے واپسی کے بجائے مدینہ منورہ سے واپسی کی ترتیب بنا کر آتے ہوئے روضہ رسول کی زیارت بھی کر لے تو اس میں شرعاً کوئی حرج نہیں۔

مأخَذُ الفَتوی

لما فی الدر المختار: (أبانها، أو مات عنها في سفر) ولو في مصر (وليس بينها) وبين مصرها مدة سفر رجعت ولو بين مصرها مدته وبين مقصدها أقل مضت (وإن كانت تلك) أي مدة السفر (من كل جانب) منهما ولا يعتبر ما في ميمنة وميسرة، فإن كانت في مفازة (خيرت) بين رجوع ومضي (معها ولي، أو لا في الصورتين، والعود أحمد) لتعتد في منزل الزوج (و) لكن (إن مرت) بما يصلح للإقامة كما في البحر وغيره. زاد في النهر: وبينه وبين مقصدها سفر (أو كانت في مصر) أو قرية تصلح للإقامة (تعتد ثمة) إن لم تجد محرما اتفاقا، وكذا إن وجدت عند الإمام (ثم تخرج بمحرم) إن كان اھ
و فی الشامیۃ: (قوله: تصلح للإقامة) بأن تأمن فيها على نفسها ومالها وتجد ما تحتاجه. (3/539،538)
و فی الدر مع الرد: (وتعتدان) أي معتدة طلاق وموت (في بيت وجبت فيه) ولا يخرجان منه (إلا أن تخرج أو يتهدم المنزل، أو تخاف) انهدامه، أو (تلف مالها، أو لا تجد كراء البيت) ونحو ذلك من الضرورات فتخرج لأقرب موضع إليه،(قوله: في بيت وجبت فيه) هو ما يضاف إليهما بالسكنى قبل الفرقة ولو غير بيت الزوج كما مر آنفا، وشمل بيوت الأخبية كما في الشرنبلالية. (3/ 536)