اسرائیلی کمپنیوں کے پلیٹ فارم استعمال کرکے آمدن حاصل کرنا

میرا ڈیجیٹل مارکیٹنگ کے ذریعے آن لائن کمائی سے متعلق ایک سوال تھا کہ آیا یہ جائز ہے یا نہیں؟یہ سوال میرے ذہن میں اس وقت سے گھومنے لگا جب اسرائیل کی طرف سے فلسطینیوں پر کی جانے والی نسل کشی تمام خبروں میں پھیل گئی،ڈیجیٹل مارکیٹرکےطور پر کیے جانے والے بڑے کاروباری طریقوں میں میٹا، گوگل، ایمیزون،مائیکروسافٹ وغیرہ جیسے پلیٹ فارمز کا استعمال شامل ہے، ان پلیٹ فارمز/کمپنیوں کے مالکان واضح طور پر اسرائیل کے جرائم کی حمایت کرتے ہیں.اب دواہم سوالات پیدا ہوتے ہیں،
1:کیا ان پلیٹ فارمز کو استعمال کرنا جائز ہے جیسا کہ ہم فی الحال اپنے روزمرہ کے معمولات کے کاموں میں ان کا استعمال کر رہے ہیں جو کہ فائدہ مند بھی ہیں، جیسے کہ واٹس ایپ (میٹا کی ملکیت) مواصلات کے لیے گوگل برائے کاروبار، یوٹیوب برائے تعلیم وغیرہ
2:کیا یہ جانتے ہوئے کہ ان کے مالکان ہمارے دشمنوں کی حمایت کرتے ہیں ان پلیٹ فارمز کے ذریعےاستعمال کر کے کمائی جائز ہے؟

الجوابُ حامِدا ًو مُصلیِّا ً

مذکورہ فلیٹ فارم کا چونکہ کوئی متبادل موجود نہیں،اور موجودہ دور میں ان فلیٹ فارم کا استعمال ضرورت کا درجہ اختیار کر چکا ہے، جن کو ترک کرنے سے شدید حرج کا اندیشہ ہے، اس لئے مجبوراً ان پلیٹ فارم کو استعمال کرنے اور ان کے ذریعے جائز طریقے سے کمائی حاصل کرنے کی گنجائش ہے۔

مأخَذُ الفَتوی

قال اللہ تعالی: وتعاونوا علی البر والتقوٰی ولا تعاونوا علی الاثم والعدوان الخ (سورۃ مائدۃ،آیۃ2)۔