توہین رسالت کے بعد بھی فیس بُک کو استعمال کرنا

ان لوگوں کے بارے میں آپ کی کیا رائے ہے، جو کہتے ہیں کہ عید میلاد النبی حرام ہے اور وہ ’’فیس بک‘‘ استعمال کرنے سے سمجھوتا نہیں کرتے، میں بریلوی نہیں ہوں، لیکن میرے علم کے مطابق ’’فیس بک‘‘ نبیﷺ سے اہم نہیں ہے، لیکن میرے دوست اس کو استعمال کرتے ہیں اور وہ اس کو چھوڑنا نہیں چاہتے، لیکن میرا ذہن اس کو تسلیم نہیں کرتا، میں سوچتا ہوں کہ کفر کچھ اور کرے گا جیسا وہ ابھی کر رہے ہیں قرآن کے متعلق، میں معذرت چاہتاہوں میری انگلش اچھی نہیں ہے، میں انٹرنیٹ کی معاشرت کے خلاف ہوں، اس کو ختم کرنے کی طاقت نہیں ہے، میں اپنے دوستوں سے ناراض ہوں کہ وہ نعت سنتے ہیں اور خود کو عاعشقِ رسول کہتے ہیں۔

الجوابُ حامِدا ًو مُصلیِّا ً

غیرتِ ایمانی وحمیتِ اسلامی اور عشق نبی کریمﷺ کا تقاضہ تو یہی ہے کہ ’’فیس بک‘‘ اور اس طرح کی وہ تمام سائٹس جو توہین رسالت کا ارتکاب کرچکی ہیں یا کرتی رہتی ہیں، ان کا استعمال نہ کیا جائے، اور دیگر مسلمانوں کو بھی اس سے روکا جائے، تاہم اگر کوئی شخص ’’فیس بک‘‘ کے جائز پروگراموں کو دیکھتاہے اور جائز امور کیلیے اس کو استعمال کرتاہے تو اس کا یہ فعل شرعاً ناجائز بھی نہیں، اس لیے سائل کے دوست اگر ’’فیس بک‘‘ کے جائز پروگراموں کو دیکھتے ہوں، یا باطل لوگوں کے جواب کیلیے استعمال کرتے ہوں تو سائل کو اس پر ناراض نہیں ہونا چاہیے، اس طرح جن نعتوں میں کفریہ اور شرکیہ یا دیگر غلط امور پر مبنی اشعار ومضامین نہ ہوں کا سننا سنانا بھی جائز ہے، ورنہ نہیں۔

مأخَذُ الفَتوی

ففي الفتاوی الشامية: تحت (قوله فبعد العصر إلخ) (ٳلی قوله) أقول: وهذا يفيد أن آلة اللھو ليست محرمة لعينها، بل لقصد اللھو منها، إما من سامعها، أو من المشتغل بها وبه تشعر الإضافة ألا ترى أن ضرب تلك الآلة بعينها حل تارة وحرم أخرى باختلاف النية بسماعها والأمور بمقاصدها اھ (۶/۳۵۰)۔
وفیه ٲیضا: تحت (قوله: تکرہ الخ)(ٳلی قوله) واعلم أن ما كان حراما من الشعر ما فيه فحش أو هجو مسلم أو كذب على الله تعالى أو رسوله - صلى الله عليه وسلم - أو على الصحابة اھ (۶/۳۵۰) واللہ أعلم بالصواب!