Online Fatwa Darulifta Binoria Fatwa Binoria

مباحات

بیوی کو میکے میں رات کو رکنے سے منع کرنا

فتوی نمبر :
67395
| تاریخ :
2023-09-02

فتوی نمبر : 67395
بیوی کو میکے میں رات کو رکنے سے منع کرنا
حظر و اباحت / جائز و ناجائز / مباحات

بیوی کو میکے میں رات کو رکنے سے منع کرنا

میری شادی جس گھر سے ہوئی ہےاُن کی ایک بیٹی کا خاوند گھر داماد بنا ہوا ہے, جس کی وجہ سے میں نے اپنی بیوی کو اُس گھر میں رات رکنے سے منع کر رکھا ہے , میری ایک اور سالی کبھی کبھی رات رک کر جاتی ہے جس کی وجہ سے میری بیوی بہ ضد ہے کہ میں بھی رکوں گی۔
کیا میرا اپنی بیوی کو اپنے بہنوئی کی موجودگی میں گھر نہ بھیجنے کا فیصلہ درست ہے یا نہیں؟ رہنمائی درکار ہے۔

الجوابُ حامِدا ًو مُصلیِّا ً

سائل کا محض اپنے ہم زلف کے گھرداماد ہونے کی وجہ سے اپنی اہلیہ کو وہاں رات گزارنے سے منع کرنا تو مناسب نہیں، تاہم اگر سائل کو اس کے کردار پر اطمینان نہ ہو اور وہاں رات گزرانے کی صورت میں کسی قسم کے فتنہ کا اندیشہ ہو ، تو ایسی صورت میں سائل اپنی اہلیہ کو وہاں رات گزارنے سے منع کرنے میں حق بجانب ہے، تاہم اس سلسلہ میں سائل کو اپنی اہلیہ کو اعتماد میں لیکر اسے وہاں رات گزارنے سے منع کرنا چاہیۓ ، تاکہ میاں بیوی کے رشتہ میں کوئی بدگمانی اور اختلاف پیدا نہ ہو ۔

واللہ تعالی اعلم بالصواب
شفیع اللہ عُفی عنه
دار الافتاء جامعه بنوریه عالمیه
فتوی نمبر 67395کی تصدیق کریں
| | | یونیکوڈ  |
0     715
Related Fatawa متعلقه فتاوی
Related Topics متعلقه موضوعات