کیا بیماری سے شفاء یابی کے بعد اس بیماری کا سسرال والوں کو بتانا ضروری ہے ؟

السلام علیکم و رحمۃ اللہ و برکاتہ ! بندہ طب کا طالب علم ہے ، اور تقریبا دو سال میں فارغِ تحصیل ہوگا ان شاء اللہ ، طب کے پہلے سال مجھ میں ایک بیماری کی تشخیص ہوئی تھی جس کا تعلق ازدواجی زندگی سے تھا ، تقریبا 3 سال کیلئے علاج کیا اور الحمد للہ، اللہ نے شفا دے دی ، ڈاکٹر نے شادی کی اجازت دے دی ہے ، بظاہر کوئی مسئلہ نہیں ہے ، میں نے گھر والوں کو اس بیماری سے آگاہ نہیں کیا تھا ، اب میں نے نکاح کا پیغام بھیجا ہے ، کیا لڑکی والوں کو بتانا ضروری ہے ؟ اس کے بارے میں بہت فکر مند ہوں ۔

الجوابُ حامِدا ًو مُصلیِّا ً

اگر سائل مذکور بیماری کی تشخیص کے بعد علاج معالجہ کر کے اب بالکل بہتری محسوس کرتا ہو ، اور طبی لحاظ سے بھی کسی کمزوری کی بھی تشخیص نہ ہو رہی ہو تو اب رشتہ کرتے وقت سابقہ ختم شدہ بیماری کا اظہارکرنا شرعا ً لازم اور ضروری نہیں ، تا ہم اگر سائل کو اب بھی طبی لحاظ سے کسی کمزوری کا سامنا ہو تو نکاح سے قبل اس سلسلہ میں علاج معالجہ کر کےتسلی کر لینی چاہیئے، تاکہ بعد میں ازدواجی زندگی متأثر نہ ہو ۔

مأخَذُ الفَتوی

کما فی الدر المختار : ( و ) یکون ( سنۃ ) مؤکدۃ فی الاصح فیأثم بترکہ و یثاب ان نوی تحصیناً و ولداً ( حال الاعتدال ) أی القدرۃ علی وطء و مھر و نفقۃ الخ ( کتاب النکاح ج 3 صـ 7 ط : سعید )
و فی رد المحتار : تحت ( قولہ أی القدرۃ علی وطء ) أی الاعتدال فی التوقان ان لا یکون بالمعنی المار فی الواجب و الفرض و ھو شدۃ الاشتیاق ، و أن لا یکون فی غایۃ الفتور کالعنین ( الی قولہ ) و فی البحر و المراد حالۃ القدرۃ علی وطء ، و المھر و النفقۃ مع عدم الخوف من الزنا و الجور و الترک الفرائض و السنن ، فاو لم یقدر علی واحد من الثلاثۃ أو خاف واحدا من الثلاثۃ أی الأخیرۃ فلیس معتدلا الخ ( کتاب النکاح ج 3 صـ 7 ط : سعید )