سالگرہ کی تقریب میں شرکت اور کیک کھانے کا حکم

السلام علیکم !جی میں یہ جاننا چاہتی ہوں کہ ایک دوست ہے جو اپنی بیٹی کی (برتھ ڈے ) سالگرہ منارہی ہے،اور میں نے اس کو بہت سمجھا یا حدیث کے حوالے سے ،اور مجھے آنے کی دعوت دی تو میں نے اس کو منع کر دیا تو بولی ،میری بچی چھوٹی ہے چھ(6)سال کی، ابھی کرلینگے پھر بعد میں سمجھا دینگے ،مجھ سے کہا بھلے آپ کیک نہ کھائیں گا ضروری آجائیں گا "بہت اصرار کیا ،تو کیا میرا جانا وہاں صحیح ہو گی یا نہیں؟ کوئی بہانہ بنادوں؟ یا صرف جاؤں کچھ دیر بیٹھ کر کھانا کھا کر آجاؤں ؟جواب کی منظر ہونگی ۔اللہ حافظ۔

الجوابُ حامِدا ًو مُصلیِّا ً

یوم پیدائش منانا غیر مسلم قوموں کی تقلید ہونے کی بناپر خلاف شرع ہے اور حدیث میں "جو شخص کسی قوم کی مشابہت اختیار کرے اس کا حشر قیامت کے دن اسی کے ساتھ ہوگا، اس لیے اس طرح کے پروگرا م منعقد کرنے اور اس میں شرکت کرنے سے احتراز چاہیے ۔

مأخَذُ الفَتوی

ففی مشکوۃ المصابیح : عن ابن عمر رضی اللہ عنه قال قال رسول اللہ صلی اللہ علیه و سلم من تشبه بقوم فھو منھم رواہ احمد و ابوداوود (ص375)۔
وفیھا ایضا : عن ابراھیم بن میسرة رضی الله عنه قال قال رسول اللہ صلی علیه وسلم من وقر صاحب بدعۃ فقد اعان علی ھدم الاسلام (ص31)
وفی فتح الباری: أن المندوبات قد تنقلب مکروھات إذا رفعت عن رتبتھا لأن التیامن مستحب فی کل شیء أی من امور العبادات، لکن لما خشی ابن مسعود أن یعتقدوا وجوبه أشار إلی کراھته (ج2ص338) واللہ أعلم بالصواب