فری لانسر کے طور پر کام کرنے کا حکم

میں آن لائن کام کرنے کے بارے میں معلوم کرنا چاہتا ہوں، جس میں کوئی شخص فری لانسر کے طور پر کام کرتا ہے ، اس کام میں کسی بھی شعبہ کا ماہر فری لانسر اپنی خدمات مہیا کرتا ہے، مثلاً گرافکس ڈیزائنر ، ڈیجیٹل مارکیٹنگ ، بلاگس لکھنا، ڈیٹا انٹری آپریٹر و غیر ہ۔

الجوابُ حامِدا ًو مُصلیِّا ً

فری لانسنگ انگریز زبان کا لفظ ہے جو دو کلموں Free Lancing سے مرکب ہے، اس کا مطلب یہ ہے کہ انسان آزادانہ طریقے سے روپے کمائے اور کسی ایک کمپنی کا ملازم نہ ہو، بلکہ مخصوص فری لانسنگ ویب سائٹس کے ذریعے مختلف کمپنیوں اداروں اور افراد کو اپنی خدمات اور سروس مہیا کر کے عوض میں کچھ اجرت حاصل کرے۔
فری لانسنگ کمپنی اپنی ویب سائٹ سے نفع اٹھانے کے لئے اپنا رکن بناتی ہے ، اور اسے اپنی ویب سائٹ سے متعین مدت تک کے لئے خدمات فرہم کرتی ہے، جیسے اگر کسی کو کوئی ہنر آتا ہے، تو وہ ممبر بننے کے بعد ویب سائٹس میں موجود مختلف پروجیکٹس لے سکتا ہے ،اسی طرح اگر کسی کو کوئی کام کروانا ہے ، تو اپنے کام کے لئے اس ویب سائٹس کے ذریعے فری لانسر (آزاد پیشہ ور ) کو اجرت پر لے سکتا ہے، اس کے بعد واضح ہو کہ فری لانسر کے طور پر کام کرنا باب اجارہ میں اجیر مشترک کی قسم میں سے ہے ، جو کہ شرعاً جائز ہے، چنانچہ اگر کوئی شخص بطور فری لانسر کام کرتے ہوئے کوئی خلاف شرع کام نہ کرتا ہو، تو بطور فری لانسر کام کرنا مذکور شخص کے لئے جائز ہے، اور اس کی آمدن حلال ہے، بشر طیکہ کام کی اجرت ، نوعیت اور مدت و غیرہ متعین کر لیے جائیں۔

مأخَذُ الفَتوی

كما في اللباب في شرح الكتاب: (والأجراء على ضربين) أي نوعين (أجير مشترك، وأجير خاص، فالمشترك من ) يعمل لا لواحد، أو لواحد من غير توقيب اھ (ص: 181)
و في الفتاوى الهندية: وأما شرائط الصحة فمنها رضا المتعاقدين ومنها أن يكون المعقود عليه وهو المنفعة معلوما علما يمنع المنازعة فإن كان مجهولا جهالة مفضية إلى المنازعة يمنع صحة العقد وإلا فلا اھ (4/ 411)