گیسٹ پوسٹنگ کے کاروبار کا حکم

السلام علیکم ورحمۃ اللہ وبرکاتہ،میں فی الحال ایک گیسٹ پوسٹنگ سروس پیش کر رہا ہوں جہاں میں کلائنٹس کو ویب سائٹ کے مالکان سے جوڑتا ہوں جو مہمان پوسٹس کو قبول کرتے ہیں۔ میرا عمل درج ذیل ہے:
سب سے پہلے، میں ویب سائٹ کے منتظمین کو تلاش کرتا ہوں جو فیس کے عوض مہمانوں کی پوسٹس شائع کرنے کے لیے تیار ہیں (مثال کے طور پر، $5)۔پھر میں ممکنہ کلائنٹس تک پہنچتا ہوں اور انہیں زیادہ قیمت پر مہمانوں کی پوسٹنگ کے مواقع پیش کرتا ہوں (جیسے، $10)۔
میں ویب سائٹ کے منتظم کو متفقہ رقم ادا کرتے ہوئے فرق کو اپنی سروس فیس کے طور پر رکھتا ہوں۔
اسلام میں اس کاروبار کی اجازت کے بارے میں مجھے دو خدشات ہیں:
کیا میری آمدنی حلال ہے اگر میں اپنے کلائنٹس اور ویب سائٹ کے مالکان کے ساتھ اپنے کردار کے بارے میں شفاف ہوں، اور میں دونوں فریقوں کو جوڑ کر اور معیاری مواد کو یقینی بنا کر سروس فراہم کر رہا ہوں؟
گوگل کے ویب ماسٹر رہنما خطوط بیک لنکس حاصل کرنے کے لیے مہمانوں کی پوسٹس کے لیے ادائیگی کی حوصلہ شکنی کرتے ہیں، یہ بتاتے ہوئے کہ لنکس کو باضابطہ طور پر حاصل کیا جانا چاہیے اور خریدا نہیں جانا چاہیے۔ اگر میرا مقصد صرف لنک بنانے کے بجائے قیمتی مواد اور مارکیٹنگ کے مواقع فراہم کرنا ہے، تو کیا میری کمائی اب بھی جائز ہوگی؟
میں اس بات کو یقینی بنانا چاہتا ہوں کہ میرا کام ایمانداری، شفافیت اور انصاف کے اسلامی اصولوں کے مطابق ہو۔ براہِ کرم میری رہنمائی کریں کہ آیا میری کمائی حلال ہے اور مجھے اپنے کاروبار کو اسلامی طور پر جائز طریقے سے چلانے کے لیے کوئی ایڈجسٹمنٹ تجویز کریں۔

جزاکم اللہ خیران۔

الجوابُ حامِدا ًو مُصلیِّا ً

"گیسٹ بلاگنگ" جسے "گیسٹ پوسٹنگ" بھی کہا جاتا ہے ،جس میں (GUEST BLOGERS) آرٹیکل لکھنے والے افراد اپنی مہارت اور تجربہ کی بنیاد پر اس طرح مضامین لکھ کر ویب سائٹ پر اپلوڈ کردیتے ہیں ،جس کے ذریعہ عام لوگوں کو اس ویب سائٹ کی طرف راغب کرکے اس کی ٹریفک کو بڑھانے کی کوشش کی جاتی ہے ،اور اس کی وجہ سے وہ ویب سائٹ گوگل پر دیگر ویب سائٹس کے مقابلہ میں اوپر آجاتی ہے ،اور اسی عمل کو (SEO) بھی کہا جاتا ہے ،لہٰذا جس ویب سائٹ کی (SEO)مقصود ہو ،اگر اس کی بنیادی پالیسی یا کاروبار خلافِ شریعت نہ ہو ، اور اس کیلئے آرٹیکل لکھنے والے افراد کے مضامین غیر شرعی امور کو فروغ دینے پر مشتمل نہ ہوں ، تو جائز امو ر پر مشتمل آرٹیکل لکھنے والے افراد کیلئے اپنے (LOW RANK WEBSITE) کو کسی (HIGH RANK WEBSITE) کے ساتھ جوڑنے اور لنک کرنے کی درج ذیل شرائط کے ساتھ اجازت ہے:
جس کمپنی کی ویب سائٹ کاآرٹیکل شائع کرانے کے لیے لیا جارہا ہو، اس کمپنی کا کاروبارشرعاً جائز ہو، لہذا جو ویب سائٹس خالص شراب، جوئے، میوزک، فلمز جیسی چیزوں کی ہوتی ہیں اور ان کی آمدنی بھی اس طرح کے حرام ذرائع سے آتی ہو، تو ان پر آرٹیکلز شائع کرانےکے لیے اپنی خدمات فراہم کرنا شرعاًجائزنہیں اور نہ ایسی خدمات کے عوض ملنے والی اجرت حلال ہوگی، اس لیے کہ اس میں حرام کام کے ساتھ کسی نہ کسی صورت میں تعاون(مثلا برے کاموں کا فروغ) ضرور پایا جاتا ہے..
"گیسٹ پوسٹنگ" کے کام میں جعل سازی اور دھوکہ دہی نہ ہو، مثلا لکھاگیا آرٹیکل حقیقت پرمبنی ہواس میں کسی قسم کےجھوٹ اورمبالغہ آرئی سےکام نہ لیاگیاتاکہ عوام الناس کواس کی کسی قسم کانقصان نہ اُٹھاناپڑے،اس لیے صرف ویب سائٹ کی ٹریفک بڑھانے کے لیے جعلی اورخلاف حقیقت آرٹیکل شائع کرانا شرعا ًجائز نہیں ہوگا۔
ایسی ویب سائٹس جو خواتین کےمختصر اور ماڈلنگ لباس یا سپورٹس کےنیم برہنہ لباس فروخت کرتی ہوں،ان کےلیے آرٹیکل شائع کرانامعاشرے میں بے پردگی و بے حیائی کا پھیلانے کا سبب بن جاتا ہے، لہذا ایسی ویب سائٹ کے آرٹیکلز شائع کرانے سے اجتناب کرنا ضروری ہے۔
ایسی ویب سائٹ جن کابنیادی کام سود،قماراورغررجیسے امورپرمشتمل پالیسیوں پر مبنی ہوان کا آرٹیکل شائع کرانے سے مکمل اجتناب کرنا ضروری ہے، کیونکہ ان امورمیں کسی بھی قسم کی معاونت کرنا شرعاً جائز نہیں۔
لہذااگرکوئی شخص ان مفاسدسے بچتے ہوئے مذکورطریقہ کارکے مطابق کام کرتاہوں تواس سے حاصل شدہ آمدنی حلال ہے،اوراگراس کام میں مذکورہ خرابیوں میں سے کوئی خرابی پائی جائےتواس کام سے احترازلازم ہے۔

مأخَذُ الفَتوی

کماقال اللہ تعالی فی التنزیل: وَتَعَاوَنُوا عَلَى الْبِرِّ وَالتَّقْوَى وَلَا تَعَاوَنُوا عَلَى الْإِثْمِ وَالْعُدْوَانِ .(المائدۃ2)
وفی الھدایۃ : ولا يجوز الاستئجار على الغناء والنوح وكذا سائر الملاهي لأنه استئجار على المعصية والمعصية لا تستحق بالعقد(الهدايةباب الإجارة الفاسدة (306:
قوله ( وجاز تعمير كنيسة ) قال في الخانية: ولو آجر نفسه ليعمل في الكنيسة ويعمرها لا بأس به؛ لأنه لا معصية في عين العمل. وفی الشامیۃ: تحت قوله ( وحمل خمر ذمي ) قال الزيلعي: وهذا عنده، وقالا: هو مكروه؛ لأنه عليه الصلاة والسلام لعن في الخمر عشرة وعد منها حاملها، وله أن الإجارة على الحمل، وهو ليس بمعصية، ولا سبب لها، وإنما تحصل المعصية بفعل فاعل مختار، وليس الشرب من ضرورات الحمل؛ لأن حملها قد يكون للإراقة أو للتخليل، فصار كما إذا استأجره لعصر العنب أو قطعه، والحديث محمول على الحمل المقرون بقصد المعصية اھ۔
زاد في النهاية ، وهذا قياس وقولهما استحسان. ثم قال الزيلعي: وعلى هذا الخلاف لو آجره دابة لينقل عليها الخمر أو آجره نفسه ليرعى له الخنازير يطيب له الأجر عنده وعندهما يكره. …….. قوله (لا عصرها لقيام المعصية بعينه) فيه منافاة ظاهرة لقوله سابقا؛ لأن المعصية لا تقوم بعينه ط، وهو مناف أيضا لما قدمناه عن الزيلعي من جواز استئجاره لعصر العنب أو قطعه، ولعل المراد هنا عصر العنب على قصد الخمرية، فإن عين هذا الفعل معصية بهذا القصد، ولذا أعاد الضمير على الخمر مع أن العصر للعنب حقيقة، فلا ينافي ما مر من جواز بيع العصير واستئجاره على عصر العنب، هذا ما ظهر، فتأمل.