لے پالک لڑکی کے نکاح نامے میں اس کے حقیقی والد کا نام نہ لکھنے سے نکاح کا حکم

لے پالک لڑکی کا نکاح کرواتے وقت اس کے حقیقی والد کا نام نہ لکھا جائے، اور نہ بولا جائے ،تو کیا اس کا نکاح ہو جائے گا؟ کیونکہ لڑکی کو خالہ نے پالا اور لڑکی کی تمام اسناد اور شناختی کارڈ پر پالنے والے کا نام ہے، جس لڑکے سے اس کی شادی ہو رہی ہے، اسے بھی اس کے بارے میں پتہ ہے اور اسے کوئی اعتراض بھی نہیں ہے ۔

الجوابُ حامِدا ًو مُصلیِّا ً

مذکور لے پالک لڑکی کے نکاح کے گواہ اگر لڑکی اور اس کے اصل والد کو جانتے ہوں ،یا بوقتِ نکاح وہ لڑکی خود موجود ہو تو نکاح کے وقت اصل والد کا نام نہ لینے کی صورت میں بھی نکاح منعقد ہو جائے گا، تاہم لے پالک بچے اور بچی کے ولدیت کے خانے میں اصل والد کے بجائے پالنے والے کا نام درج کرنا قرآن و سنت کے خلاف اور حرام ہے، اور احادیثِ مبارکہ میں اس پر سخت قسم کی وعیدیں بھی آئی ہیں، اس لئے لے پالک کے تمام کاغذات میں اصل والد کا نام درج کروانا لازم اور ضروری ہے۔

مأخَذُ الفَتوی

قال الله تعالى : {وَمَا جَعَلَ أَدْعِيَاءَكُمْ أَبْنَاءَكُمْ ذَلِكُمْ قَوْلُكُمْ بِأَفْوَاهِكُمْ وَاللَّهُ يَقُولُ الْحَقَّ وَهُوَ يَهْدِي السَّبِيلَ (4) ادْعُوهُمْ لِآبَائِهِمْ هُوَ أَقْسَطُ عِنْدَ اللَّهِ فَإِنْ لَمْ تَعْلَمُوا آبَاءَهُمْ فَإِخْوَانُكُمْ فِي الدِّينِ } [الأحزاب: 4، 5] ۔
و في حاشية ابن عابدين (رد المحتار): تحت(قوله: ولا المنكوحة مجهولة) (إلی قوله) قلت: وظاهره أنها لو جرت المقدمات على معينة وتميزت عند الشهود أيضا يصح العقد وهي واقعة الفتوى؛ لأن المقصود نفي الجهالة، وذلك حاصل بتعينها عند العاقدين والشهود، وإن لم يصرح باسمها كما إذا كانت إحداهما متزوجة، ويؤيده ما سيأتي من أنها لو كانت غائبة وزوجها وكيلها فإن عرفها الشهود وعلموا أنه أرادها كفى ذكر اسمها، وإلا لا بد من ذكر الأب والجد أيضا، ولا يخفى أن قوله زوجت بنتي وله بنتان أقل إبهاما من قول الوكيل زوجت فاطمة ويأتي تمام ذلك عند قوله: وحضور شاهدين حرين وعند قوله غلط وكيلها إلخ. (3/ 15)۔