کھلونے والا بھالو یا تصویر والیا سیٹ کور یا تولیہ وغیرہ فروخت کرنے کا حکم

سب سے پہلے اللہ تعالی آپ کو ان خدمات کے لیے جزائے خیر دے ۔میں پوچھنا چاہتا ہوں ، ٹیڈی(کھلونے والا بھالو) کا استعمال عورتوں اوربچوں کے لیے جائز ہے؟ کیا ایسی بھالوں کی تصویر سیٹ کور یا تولیہ پر استعمال کرسکتے ہیں؟ اور یہ بھی بتائیے ان چیزوں کی تجارت جائز ہے؟ ٹیڈی بیڑ، سیٹ کور اور تولیہ جس میں ٹیڈی بیڑ کی تصویر ہو۔

الجوابُ حامِدا ًو مُصلیِّا ً

سوال کے ساتھ منسلکہ پرنٹ میں جو کارٹونز موجود ہیں ان میں چونکہ واضح طور پر بھالوں کی شکل نمایا ہے، اس لیے موجودہ شکل وصورت کے ساتھ اس کا پرنٹ کرنا وغیرہ درست نہیں ، البتہ اگر ان کی آنکھیں وغیرہ مسخ کر کے غیر واضح کر دیا جائے ، تو ان کا پرنٹ کرنا وغیرہ جائز اور درست ہوگا۔

مأخَذُ الفَتوی

کما فی تکملة فتح المھلم: عن عبداللہ بن مسعود رضی اللہ عنہ قال قال رسول اللہ صلی اللہ علیہ وسلم، ان اشدالناس عذابا یوم القیامة المصورون (2/ 155)۔
وفی رد المحتار: تحت (قوله ولبس ثوب فيه تماثيل) عدل عن قول غيره تصاوير لما في المغرب: (الی قولہ) الإجماع على تحريم تصوير الحيوان، وقال: وسواء صنعه لما يمتهن أو لغيره، فصنعته حرام بكل حال لأن فيه مضاهاة لخلق الله تعالى، الخ (1/ 647)۔