سادات کے بچوں کو زکوۃ کی مد میں یونیفارم اور اسٹینشنری دینا

میں اسٹوڈنٹس ویلفئر ٹرسٹ ضلع کرک کے نام سے ایک فلاحی ادارہ چلا رہا ہوں ، اس ادارے سے میں دینی مدارس اور اسکولوں کے غریب بچوں کو یونیفارم اور اسٹیشنری مہیا کرتا ہوں، ادارے کے لئے لوگ مجھے خیرات ، زکوٰۃ اور صدقات وغیرہ دیتےہیں،کیا میں اس ادارے سے سید خاندان کے غریب بچوں کو اسٹیشنری اور یونیفارم دے سکتا ہوں؟

الجوابُ حامِدا ًو مُصلیِّا ً

سائل کے لئے زکوۃ اور صدقاتِ واجبہ کی رقم سے خریدی ہوئی ا سٹیشزی اور یونیفارم وغیرہ اسکول و مدرسہ میں پڑھنے والے سید طلباءِ کرام کو دینا درست نہیں ، البتہ نفلی صدقات اور عطیات وغیرہ سے خریدے ہوئے یونیفارم اور اسٹیشزی وغیرہ کا سامان سید طلباء کرام کو بھی دیا جاسکتا ہے۔

مأخَذُ الفَتوی

کما فی الھندیۃ: ولا یدفع الی بنی ھاشم وھم آل علی وآل عباس (الی قولہ) ھذا فی الواجبات کالزکاۃ والنذر والعشر والکفارۃفاما التطوع فیجوز الصرف الیھم کذا فی الکافی الخ(ج 1 ص 189 ط: ماجدیۃ)۔
وفی البحر الرائق: (قولہ وبنی ھاشم وموالیھم) ای لایجوز الدفع لھم لحدیث البخاری "نحن لا تحل لنا الصدقۃ" الخ (ج 2 ص 246 ط: ماجدیۃ)۔