Online Fatwa Darulifta Binoria Fatwa Binoria

مصارف زکوۃ و صدقات

بہن اور بھائی کو زکوۃ کی رقم دینے سے زکوۃ ادا ہوجائے گی ؟

فتوی نمبر :
90733
| تاریخ :
2026-01-09

فتوی نمبر : 90733
بہن اور بھائی کو زکوۃ کی رقم دینے سے زکوۃ ادا ہوجائے گی ؟
عبادات / زکوۃ و صدقات / مصارف زکوۃ و صدقات

بہن اور بھائی کو زکوۃ کی رقم دینے سے زکوۃ ادا ہوجائے گی ؟

میں اپنے بھائی اور بہن کے ماہانہ اخراجات میں ان کی مدد کرتا ہوں، اور ان کے ساتھ میری والدہ بھی رہتی ہیں۔ میرے بھائی اور بہن کی آمدنی اتنی نہیں ہے کہ: وہ اپنے اخراجات خود برداشت کر سکیں۔تو کیا میں جو رقم ان پر خرچ کرتا ہوں، اسے زکوٰۃ میں ایڈجسٹ کر سکتا ہوں؟

الجوابُ حامِدا ًو مُصلیِّا ً

واضح ہوکہ بہن ،بھائی اگر غریب اور مستحق زکوٰۃ ہوں ،تو ان کو زکوٰۃ دینا جائز ہے ،لہذا صورت مسئولہ میں سائل کےبہن بھائی اگر مستحق زکوٰۃ ہوں ،تو سائل ان کو زکوٰۃ کی رقم دے سکتا ہے، البتہ زکوٰۃ کی رقم یا زکوٰۃ کی رقم سے خریدی گئی اشیاء اپنے بہن بھائیوں کو باقاعدہ مالکانہ قبضے کے ساتھ دینا لازم ہے۔

مأخَذُ الفَتوی

كما فى الدرالمختار:(وشرطُ صِحة أدائها نية مقارنة له) أي لِلأداء.(ج:٢،ص:٢٦٨)
وفى حاشية إبن عابدين:وقيّد بالْولاد لِجوازه لبقية الْأقارب كالإخْوةِ والْأعْمام والْأخْوال الْفقراءِ بلْ هم أوْلَى؛ لِأنه صِلة وصدقة.(ج:٢،ص:٣٤٦)

واللہ تعالی اعلم بالصواب
محمد عاشق یونس عُفی عنه
دار الافتاء جامعه بنوریه عالمیه
فتوی نمبر 90733کی تصدیق کریں
| | | یونیکوڈ  |
0     135
Related Fatawa متعلقه فتاوی
Related Topics متعلقه موضوعات