جس عورت کا ایک بار دودھ پیا ہو اس کے بیٹے سے نکاح ہوسکتا ہے؟

محترم مولانا صاحب! میں نے بچپن میں اپنی پھوپھی کا ایک مرتبہ دودھ پیا تھا۔ کیا میں ان کے بیٹے سے نکاح کر سکتی ہوں؟ براہِ کرم حنفی مسلک کے مطابق جواب عنایت فرما دیں۔

الجوابُ حامِدا ًو مُصلیِّا ً

صورتِ مسئولہ میں سائلہ نے اگرمدتِ رضاعت یعنی اڑھائی سال کی عمر کے اندر اپنی پھوپھی کا دودھ پیا ہو توسائلہ اورپھوپھی کابیٹا دونوں رضاعی بہن، بھائی بن چکے ہیں، اور جس طرح حقیقی بہن، بھائی کے درمیان نکاح حرام ہے، بعینہ اسی طرح رضاعی بہن، بھائی کے درمیان بھی حرام ہے۔لہذاسائلہ کے لیے اپنی پھوپھی کے بیٹے سے نکاح شرعاًجائزنہیں، جس سے بہرصورت احترازلازم ہے۔

مأخَذُ الفَتوی

کما فی قولہ تعالٰی: ‌حرّمت ‌عليكم ‌أمّهٰتكم وبناتكم وأخوٰتكم وعمّٰتكم وخٰلٰتكم وبنات الأخ وبنات الأخت وأمّهٰتكم الّٰتى أرضعنكم وأخوٰتكم من الرّضاعة الخ۔ (الآیة:23،سورہ النسآء)۔
وفي سنن ابي داؤد: عن عروة عن عائشة زوج النبي صلى الله عليه وسلم أن النبي صلى الله عليه وسلم قال: يحرم من الرضاعة ما يحرم من الولادة(باب يحرم من الرضاعة ما ‌يحرم ‌من ‌النسب،ج:1،ص:866،ط:البشری)۔
وفی الھندیۃ : قليل الرضاع وكثيره إذا حصل في مدة الرضاع تعلق به التحريم كذا في الهداية. قال في الينابيع. والقليل مفسر بما يعلم أنه وصل إلى الجوف كذا في السراج الوهاج، ووقت الرضاع في قول أبي حنيفة - رحمه الله تعالى - مقدر بثلاثين شهرا وقالا مقدر بحولين هكذا في فتاوى قاضي خان اھ (کتاب الرضاع،ج: 1، ص: 355، م: ماجدیۃ)۔