کیا جمعہ کی نماز ایسی جگہ ادا ہوسکتی ہےجہاں ممبرنہ ہو اور فجر ادا نہیں ہوتی ہو بیس (20) افراد ہوں مہربانی فرماکر جواب مرحمت فرمائیں۔
صحتِ جمعہ کیلئے اس جگہ پنج وقتہ نماز کا ہونا یا ممبر کا ہونا شرط نہیں بلکہ جمعہ کی شرائط میں سے شہر یا فناءِ شہر کا ہونا، اذن عام کا ہونا، خطبہ کاہونا، امام کے علاوہ تین افراد کا ہونا، وغیرہ شرائط ہیں، لہذٰا مذکورہ مقام میں اگر یہ شرائط موجود ہوں تو اس جگہ جمعہ درست ادا ہوگا۔
فی در المختار:(الجماعۃ )واقلھا ثلاثۃ رجال (سوی الامام)باالنص لانہ لا بد من الذاکر وھو الخطیب وثلاثۃ سواہ بنص.اھ ۔(2/151)۔
فی فقہ الاسلامی وأدلتہ:واقلھم عند ابی حنیفۃ ومحمد فی الاصح،ثلاثۃ رجال سوی الامام ۔اھ (2/275)۔
فی فقہ الاسلامی وادلتہ:(فان لم یتیسر المنبرفعلیٰ موضع مرتفع،لانہ ابلغ فی الاعلام فان تعذراستند الیٰ نحو خشبۃ کما کان یفعل صلی اللہ علیہ وسلم قبل ایجاد المنبر ،وکان النبی قد خطب الیٰ جذع اھ۔(2/291)۔ واللہ اعلم۔