ہم سائٹ ایریا میں دوا کی کمپنی میں کام کرتے ہیں اور اس دوران ایک مخصوص جگہ جو کہ مسجد نماز ہے ظہر، عصر اور مغرب کی نماز باجماعت اد کرتے ہیں، کبھی کبھی عشاء کی نماز بھی ہوجاتی ہے صرف فجر کی نماز باجماعت (وہ بھی شاید) نہیں ہوتی۔
جمعہ کی رخصت ختم ہونے سے تقریباً ۱۰۰ افراد جمعہ کی نماز کیلئے افراتفری کا شکار ہورہے ہیں۔
آپ سے فتویٰ درکار ہے کہ اگر کوئی صاحب جمعہ کا خطبہ پڑھاسکتے ہوں تو کیا ایسی مسجد میں ہماری نمازِ جمعہ ہوجائے گی یا نہیں؟ کیونکہ کچھ حضرات کا کہنا ہے کہ جہاں پانچ وقت کی نماز باجماعت نہ ہوتی ہو وہاں نمازِ جمعہ نہیں ہوسکتی۔
صورتِ مسئولہ میں ذکر کردہ مسجد میں نمازِجمعہ کا اداکرنا شرعاً جائز اور درست ہے مگر اس بات کا خیال ضرور رکھا جائے کہ نمازِ جمعہ کے لئے باہر سے آنے والے نمازی حضرات کو اس سے منع نہ کیا جائے۔
فی الدر المختار و حاشیہ الرد : (الاذن العام) أی یأذن للناس اذنًا عامًا بأن لا یمنع احدًا ممن تصح منہ الجمعۃ عن دخول الموضع الذی تصلی فیہ وھذا مراد من فسر الاذن العام بالاشتہار وکذا فی البرجندی اسماعیل الخ(ج 2 ص 151)۔