میرا نام رحیم اللہ ہے بنوں KPK پاکستان سے میرا تعلق ہے، لیکن اس وقت میں الو ظہبی UAE میں کام کرتا ہوں، یہاں ایک مسئلہ ہے کہ جس جگہ ہم رہتے ہیں ،وہاں ایک اسلامی مدرسہ ہے، کچھ علماء اس میں جمعہ کی نماز پڑھتے ہیں اور کچھ نہیں پڑھتے، علماء کا آپس میں ایک دوسرے کیساتھ اختلاف ہے۔
اب سوال یہ ہے کہ ہم جمعہ کی نماز کہاں پڑھ سکتے اور کہاں نہیں پڑھ سکتے؟ جہاں پڑھ سکتے ہیں، وہ بھی بتائیں اور جہاں نہیں پڑھ سکتے ،وہ بھی بتائیں اور کیوں نہیں پڑھ سکتے؟
صحت جمعہ کے لیے بنیادی طور پر یہ ضروری ہے کہ جہاں جمعہ کا قیام کیا جارہا ہے ، وہ جگہ شہر (مصر) ہو یا شہر کے مضافات میں واقع ہو، مگر سائل نے مقامی مدرسے کے جائے وقوع کے متعلق کوئی وضاحت نہیں کی کہ وہ شہر میں واقع ہے یا دیہات میں؟ اور کچھ علماء کے نماز جمعہ ادا نہ کرنے کی کوئی وجہ بھی ذکر نہیں کی، اس لیے سائل کو چاہیئے کہ مکمل تفضیل کے ساتھ سوال دوبارہ ای میل کر دے، ان شاء اللہ اس پر غورو فکر کے بعد حکم شرعی سے آگاہ کیا جائیگا۔
كما في مصنف ابن ابى شيبة: قال حدثنا عباد بن العوام عن حجاج عن أبي إسحاق عن الحارث عن علي رضى الله عنه قال لا جمعة ولا تشريق ولا صلاة فطر ولا أضحى إلا فى مصر جامع أو مدينة عظيمة. اھـ (٤٦/٤)
وفى الهداية: لا تصح الجمعة إلا فى مصر جامع أو فى مصلی المصر ولا تجوز القرىٰ اهـ (١٤٨/١) والله اعلم