آمدنی و مصارف
مفت پیٹرول لینے کیلئے گاڑی اپنے نام کروانا
فتوی نمبر : 62919
مفت پیٹرول لینے کیلئے گاڑی اپنے نام کروانا
حظر و اباحت / حلال و حرام / آمدنی و مصارف
مفت پیٹرول لینے کیلئے گاڑی اپنے نام کروانا
السلام و علیکم!
میرے شوہر ایک فیکٹری میں ملازمت کرتے ہیں ، وہ ڈپٹی مینیجر کے عہدے پر فائز ہیں ، فیکٹری والوں کی طرف سے اس عہدے کے حامل افراد کو ذاتی گاڑی ہونے کی صورت میں مفت پٹرول کی سہولت دی جاتی ہے ، میرے شوہر کے پاس اپنی ذاتی گاڑی نہیں ہے، وہ اپنے بھائی کی گاڑی اپنے نام کروا کر مفت پیٹرول کی سہولت حاصل کر رہے ہیں ،( واضح رہے کہ گاڑی ابھی بھی شوہر کی ملکیت نہیں ہے، اور ان کے بھائی نے اپنی رضامندی سے صرف کاغذی کارروائی کے طور پر گاڑی میرے شوہر کے نام کی ہے ،تاکہ سہولت سے فائدہ اٹھا یا جا سکے ) اور اس صورت میں حاصل ہونے والی رقم سے میرے شوہر ہی مستفید ہو رہے ہیں ،کیا ایسی آمدن شرعی طور پر جائز ہے ؟
الجوابُ حامِدا ًو مُصلیِّا ً
کمپنی مالکان کو اگر مذکور صورتِ حال پر کوئی اعتراض نہ ہو تو سائلہ کے شوہر کے لئے اس سہولت سے فائدہ حاصل کرنا شرعاً جائز ہے ، اور ایسی صورت میں پیٹرول کی مد میں ملنے والی رقم بھی اس کے لئے حلال ہوگی، بصورتِ دیگر کمپنی انتظامیہ سے صراحۃً اجازت لینا شرعاً ضروری ہے، ورنہ اس رقم سے احتراز لازم ہے۔
مأخَذُ الفَتوی
كما في قول الله تعالى: ﴿يايها الذين امنوا لا تأكلوا اموالكم بينكم بالباطل إلا أن تكون تجارة عن تراض منكم﴾ (النساء : ٢٩) -
وفي مشكاة المصابيح : وعن أبى حرة الرقاشي عن عمه قال : قال رسول الله صلى الله الله عليه وسلم : ’’ألا لا تظلموا ألا لا يحل مال امرئ إلا بطیب نفس منه اھ (۱ / ۱۶۵)-
احمداللہ مولاداد عُفی عنه
دار الافتاء جامعه بنوریه عالمیه
فتوی نمبر 62919کی تصدیق کریں
Related Fatawa متعلقه فتاوی
Related Topics متعلقه موضوعات
-
189آمدنی و مصارفHalal & Haram Incomes
-
70کھانے پینے کی حلال و حرام اشیاءHalal & Haram Foods
-
27حلال و حرام جانورHalal & Haram Animals
-
21عام استعمال کی حلال و حرام اشیاءHalal & Haram Things
-
18حرام طریقہ علاج و ادویاتUnlawful Medicine and Treatment
-
1وظائف و عملیاتPotion and Spell