آمدنی و مصارف
بینک اکاونٹ کے سودی رقم کا حکم
فتوی نمبر : 60448
بینک اکاونٹ کے سودی رقم کا حکم
حظر و اباحت / حلال و حرام / آمدنی و مصارف
بینک اکاونٹ کے سودی رقم کا حکم
کیا فرماتے ہیں علماءِ کرام اس مسئلہ کے بارے میں کہ ایک آدمی کے پیسے بینک میں رکھے ہوئے ہیں اس پر بینک کی طرف سے سود ملتا ہے اب اگر یہ آدمی سود کو نہیں لیتا تو بینک کسی اور غلط اور غیر شرعی کاموں میں استعمال کرتا ہے ، یہ آدمی اس نیت سے یہ رقم بینک سے لیتا ہے تاکہ اس کے مصرف میں خرچ کرے یا ضائع کردے اس کیلئے اس شخص کو لیتے وقت بینک میں دستخط کرنا پڑتا ہے تو کیا اس طرح سود کی رقم نکالنے اور دستخط کرنے سے اس شخص پر کوئی گناہ ہوگا؟
الجوابُ حامِدا ًو مُصلیِّا ً
بینک کے ایسے کھاتہ میں رقم رکھوانا، جس میں سود لگتا ہو ، قطعاً ناجائز اور حرام ہے جس سے احتراز لازم ہے۔
تاہم اگر غلط فہمی یا لا علمی کی بناء پر ایسے کھاتہ میں محض حفاظت کی غرض سے رقم رکھوادی ہو تو اس پر ’’انٹرسٹ‘‘ کے نام سے ملنے والے سود کا حکم یہ ہے کہ اسے لے کر تلف کردیا جائے یا بغیر نیت ثواب کسی مستحق کو اس پر مالک بنادیا جائے، اس سلسلہ میں بینک سے رقم نکلواتے وقت اگر دستخط کرنے کی ضرورت پڑجائے تو اس میں کوئی مضائقہ نہیں۔
مأخَذُ الفَتوی
و فی صحیح مسلم: لعن رسول اﷲ ﷺ آکل الرباء و موکلہٗ و کاتبہٗ و شاہدیہ و قال ہم سواء۔ اھـ (ج۲ ،ص۲۷)۔
و فی معارف السنن: من ملک بملک خبیث و لم یمکنہ الرد الی المالک فسبیلہ التصدق علی الفقراء۔ (ج۱، ص۳۴)۔
Related Fatawa متعلقه فتاوی
Related Topics متعلقه موضوعات
-
148آمدنی و مصارفHalal & Haram Incomes
-
57کھانے پینے کی حلال و حرام اشیاءHalal & Haram Foods
-
24حلال و حرام جانورHalal & Haram Animals
-
20عام استعمال کی حلال و حرام اشیاءHalal & Haram Things
-
11حرام طریقہ علاج و ادویاتUnlawful Medicine and Treatment
-
1وظائف و عملیاتPotion and Spell