آمدنی و مصارف
"پی ایل ایس " اکاؤنٹ کےمنافع اور اس کے مصرف کا حکم
فتوی نمبر : 58009
"پی ایل ایس " اکاؤنٹ کےمنافع اور اس کے مصرف کا حکم
حظر و اباحت / حلال و حرام / آمدنی و مصارف
"پی ایل ایس " اکاؤنٹ کےمنافع اور اس کے مصرف کا حکم
السلام علیکم !
محترم مندرجہ ذیل سوالات کے بارے آپ سے شرعی رہنمائی درکار ہے :
1) PLS account میں جو منافع ملتا ہے اس کی شرعی حیثیت کیا ہے ؟ اگر یہ منافع شرعاً جائز نہیں تو حاصل شدہ منافع کو کس مد میں خرچ کیا جا سکتا ہے ؟
2) کیا حاصل شدہ منافع کی رقم سے اپنے معذور بیٹے کا علاج و معالجہ اور باقی ضروریات کے لئے خرچ کیا جا سکتا ہے؟
3)یا اس رقم سے فی سبیل اللہ کنواں کھدوایا جا سکتا ہے ؟
4)یا اس رقم کو عوامی مفاد کے رابطہ سڑک کے تعمیر یا کسی بھی عوامی مفاد کے کام پر خرچ کیا جا سکتا ہے ؟
الجوابُ حامِدا ًو مُصلیِّا ً
سوال میں مذکور اکاؤنٹ میں منافع اس شرط کے ساتھ دیے جاتے ہیں کہ اکاؤنٹ میں ایک متعین مقدار رقم موجود ہو ،رقم موجود ہونے کی شرط لگانا فقہی لحاظ سے قرض ہے ،اور قرض پر کسی بھی قسم کا منافع حاصل کرنا شرعاً سود ہے ، جس سے اجتناب لازم ہے ، اگر کسی نے لاعلمی میں مذکور اکاؤنٹ کھلوالیا ہو اور اس کو مذکور اکاؤںٹ کا نفع حاصل ہوا ہو تو حرام مال کا مصرف زکوۃ کے مستحق افراد ہیں , کہ جن کے پاس ساڑھے باون تولہ چاندی یا اس کے بقدر رقم موجود نہ ہو , ان کو بغیر ثواب کی نیت کے صدقہ کریں۔
جبکہ والد اپنے بیٹے کو زکوۃ نہیں دے سکتااس لئے مذکور رقم سے معذور بیٹے کا علاج کروانا بھی جائز نہیں ، اور کنواں کھدوانا اور سڑک وغیرہ تعمیر کروانے سے ملکیت حاصل نہیں ہوتی , اس لئے مذکور رقم ان کاموں میں خرچ کرنا بھی درست نہیں جس سے احتراز لازم ہے۔
محمد ابو بکر سعید عُفی عنه
دار الافتاء جامعه بنوریه عالمیه
فتوی نمبر 58009کی تصدیق کریں
Related Fatawa متعلقه فتاوی
Related Topics متعلقه موضوعات
-
156آمدنی و مصارفHalal & Haram Incomes
-
57کھانے پینے کی حلال و حرام اشیاءHalal & Haram Foods
-
24حلال و حرام جانورHalal & Haram Animals
-
20عام استعمال کی حلال و حرام اشیاءHalal & Haram Things
-
11حرام طریقہ علاج و ادویاتUnlawful Medicine and Treatment
-
1وظائف و عملیاتPotion and Spell