آمدنی و مصارف
ادارہ کی اجازت کے بغیر پیسے لینا
فتوی نمبر : 82115
ادارہ کی اجازت کے بغیر پیسے لینا
حظر و اباحت / حلال و حرام / آمدنی و مصارف
ادارہ کی اجازت کے بغیر پیسے لینا
میں ایک سرکاری محکمہ میں کنٹریکٹ پر کام کرتا ہوں۔ پچھلے 2 سال سے میری تنخواہ میں کوئی اضافہ نہیں ہوا ،جو کہ عام طور پر ہر ادارے میں سالانہ ہوتا ہے۔میرے سے نچلے سٹاف کی بھی تنخواہوں میں اضافہ کیا گیا ،لیکن میرے بار بار درخواست دینے پر بھی شنوائی نہیں ہورہی ۔میرے پاس روزانہ قریباً لاکھ روپے کیش آتا ہے جو میں نے جمع کروانا ہوتا ہے۔تو کیا میں اس میں سے صرف اپنی مطلوبہ رقم نکال سکتا ہوں جوکہ ماہانہ قریباً 15 ہزار بنتی ہے؟
الجوابُ حامِدا ًو مُصلیِّا ً
مذکور محکمہ کی انتظامیہ نے ملازمت سے قبل سائل سے ہر سال تنخواہ میں اضافہ کا معاہدہ کیا ہو، تو محکمہ کی انتظامیہ کو چاہیئے کہ حسب معاہدہ وہ سائل کی تنخواہ میں اضافہ کا اہتمام کرے ، اور اس کے لیے سائل ان سے درخواست کےعلاوہ دیگر جائز طریقے مثلا کسی بڑے کی سفارش وغیرہ بھی اختیار کرسکتا ہے، مگر محکمے کی طرف سےاضافہ نہ کرنے کی صورت میں سائل کا خود اپنی مرضی سے محکمہ کی رقم سے اضافہ کے بقدر رقم لینا شرعاً ناجائز اور حرام ہےاس لیےاس سےاحتراز لازم ہے۔
مأخَذُ الفَتوی
کما فی الاشباہ والنظائر مع شرحه للحموی: الخلف فی الوعد حرام قال السبکی ظاہر الآیات والسنة تقضی وجوب الوفاء الخ (3 /236)
و فی الفقه الاسلامی: فلو وعد شخص غیرہ ببیع أو قرض أو ھبة مثلاً لاتجبر علی الوفاء بوعدہ بقوۃ القضاء بل یندب له تنفیدہ دیانة الخ (4/ 90)
محمد کامران صادق عُفی عنه
دار الافتاء جامعه بنوریه عالمیه
فتوی نمبر 82115کی تصدیق کریں
Related Fatawa متعلقه فتاوی
Related Topics متعلقه موضوعات
-
203آمدنی و مصارفHalal & Haram Incomes
-
73کھانے پینے کی حلال و حرام اشیاءHalal & Haram Foods
-
27حلال و حرام جانورHalal & Haram Animals
-
22عام استعمال کی حلال و حرام اشیاءHalal & Haram Things
-
19حرام طریقہ علاج و ادویاتUnlawful Medicine and Treatment
-
1وظائف و عملیاتPotion and Spell