شوهر و بیوی کے حقوق
بیوی کا الگ گھر کا مطالبہ کرنا
فتوی نمبر : 72659
بیوی کا الگ گھر کا مطالبہ کرنا
معاشرت زندگی / ازدواجی مسائل / شوهر و بیوی کے حقوق
بیوی کا الگ گھر کا مطالبہ کرنا
اگر سسر آپ کو گُھورتا ہو، اور آپ کے معاملات میں مداخلت کرتا ہو، آپ کو طعنہ دیتا ہو، اور تنگ کرتا ہو، اور چپکے سے روم میں آتا ہو، اور آپ سے اپنی بہنوں اور بیٹیوں کے لئے ضرورت سے زیادہ کام کرواتا ہو، اور اختیار ہو کہ علیحدہ گھر خرید لے قرض پر , جو کم سود پر دستیاب ہے، کیا اس طرح کی شرعاً اجازت ہے ؟
الجوابُ حامِدا ًو مُصلیِّا ً
سوال میں ذکر کردہ وضاحت اگر واقعۃً درست اور مبنی بر حقیقت ہو اس میں کسی بھی قسم کی غلط بیانی اور الزام تراشی سے کام نہ لیا گیا ہو تو سسر کا مذکور رویہ نا جائز ہے ، جس سے اسے بہرصورت احتراز لازم ہے، جبکہ سود پر گھر لینا شرعاً جائز نہیں، لہذا سائلہ کو چاہئیے کہ صبر وتحمل سے کام لیتے ہوئے اپنے شوہر اور ساس کو اصل صورتحال سے آگاہ کردے، تاکہ کسی مناسب طریقہ سے سسر کو مذکور طرزِ عمل سے روکا جاسکے۔
مأخَذُ الفَتوی
قال اللہ تعالیٰ: يَاأَيُّهَا الَّذِينَ آمَنُوا لَا تَأْكُلُوا الرِّبَا أَضْعَافًا مُضَاعَفَةً وَاتَّقُوا اللَّهَ لَعَلَّكُمْ تُفْلِحُونَ ( سورۃ ال عمران آیۃ 130)۔
وفی صحیح مسلم: عَنْ جَابِرٍ، قَالَ: «لَعَنَ رَسُولُ اللهِ صَلَّى اللهُ عَلَيْهِ وَسَلَّمَ آكِلَ الرِّبَا، وَمُؤْكِلَهُ، وَكَاتِبَهُ، وَشَاهِدَيْهِ»، وَقَالَ: «هُمْ سَوَاءٌ»(ج 3 ص 1219 رقم 1598 باب لعن آکل الربا وموکلہ)۔
محمد حمزہ منان عُفی عنه
دار الافتاء جامعه بنوریه عالمیه
فتوی نمبر 72659کی تصدیق کریں
Related Fatawa متعلقه فتاوی
Related Topics متعلقه موضوعات
-
158شوهر و بیوی کے حقوقRights of Spouses
-
73آداب و احکام صحبتLaws and Etiquettes of Intercourse
-
21جنسی مسائلGender Issues
-
14حمل و زچگیPregnancy and Labour
-
6خاندانی منصوبہ بندیFamily Planning