Online Fatwa Darulifta Binoria Fatwa Binoria

زکوۃ و نصاب زکوۃ

ساڑھے سات تولہ سونے سے کم پر زکوۃ کا حکم

فتوی نمبر :
57850
| تاریخ :
0000-00-00

فتوی نمبر : 57850
ساڑھے سات تولہ سونے سے کم پر زکوۃ کا حکم
عبادات / زکوۃ و صدقات / زکوۃ و نصاب زکوۃ

ساڑھے سات تولہ سونے سے کم پر زکوۃ کا حکم

میری ساس صاحبہ کہتی ہے کہ صرف ساڑھے سات تولے سونے اور ساڑھے باون تولے چاندی پر زکوٰۃ ہے،اور گر کسی کے پاس دو،تین یا ساڑھے سات تولے سے کم سونا ہو تو اس پر زکوٰۃ لازم نہیں ،آپ سے جواب مطلوب ہے ۔

الجوابُ حامِدا ًو مُصلیِّا ً

یہ بات اپنی جگہ درست ہے کہ وجوب زکوۃ کے لیے سونا اور چاندی دونوں کے نصاب متعین اور مقررہے، سونا کا نصاب ساڑھے سات تولہ اور چاندی کا نصاب ساڑھے باون تولہ ہے، لیکن وجوب زکوۃ کے لیے ساڑھے سات تولہ سونا کااعتبار اس وقت ہوگا، جب کسی کے پاس صرف اور صرف سونا ہو، اس کے علاوہ چاندی، کیش رقم یا سامان تجارت موجود نہ ہو، لیکن اگر کسی کے پاس سونا ، چاندی، کیش رقم یا سامان تجارت میں سےکچھ نہ کچھ موجود ہوں یا کسی کے پاس ایک دو تولہ سونا اور کچھ کیش رقم موجود ہو، اور ان سب کی مجموعی مالیت ساڑھے باون تولہ چاندی تک پہنچ جائے، تو اس پر زکوۃ واجب ہوگی،اس لیے سائلہ کی ساس کایہ کہنا کہ سونے پر زکوۃ واجب ہونے کے لیے ہرصورت میں اس کا ساڑھے سات تولہ کے بقدر ہونا ضروری ہے، قطعاغلط اور احکام شرعی سے ناواقفیت پر مبنی قول ہے۔

واللہ تعالی اعلم بالصواب
شفیع اللہ عُفی عنه
دار الافتاء جامعه بنوریه عالمیه
فتوی نمبر 57850کی تصدیق کریں
| | | یونیکوڈ  |
1     2126
Related Fatawa متعلقه فتاوی
Related Topics متعلقه موضوعات