اولاد کے حقوق

والد کا اپنی بہن وغیرہ کی وجہ سے اپنے بچوں کی شادی میں شرکت نہ کرنا

فتوی نمبر :
91162
| تاریخ :
2026-01-20
معاشرت زندگی / حقوق و فرائض / اولاد کے حقوق

والد کا اپنی بہن وغیرہ کی وجہ سے اپنے بچوں کی شادی میں شرکت نہ کرنا

کیا ایک باپ کا اپنی بہن یا بھائی کے حق میں ہوتے ہوئے اور ان کا ساتھ دیتے ہوئے اپنی اولاد کی شادی یا کسی بھی خوشی میں بیٹھنے سے انکار کرنا جائز ہے یا ناجائز؟ وضاحت:السلام علیکم" مفتی صاحب! میرے سوال کی وضاحت میں میں کچھ چند باتیں آپ کے سامنے رکھنا چاہتا ہوں ،امید ہے کہ اس سے مجھے بہتر رہنمائی حاصل ہوگی، جیساکہ میں نے سوال نمبر ۲ میں خلاصہ کیا کہ میری والدہ اور پھوپھی کے درمیان اختلافات کا ، تو میرا یہ سوال اُسی طرف اشارہ کرتا ہے، لہٰذا موضوع یہ کہ میرے والد صاحب کا کہنا یہ ہے کہ میرا کوئی بھائی یا بہن کسی بھی اختلاف یا ہمارے گھر کے کسی بھی فرد سے ناراضگی کی وجہ سے اگر میری شادی یا میرے آنے والی کسی بھی خوشی میں شریک نہیں ہوتے تو میں (والد) بھی نہیں ہوں گا، میرا میرے والد کے ساتھ تعلق بہت عقیدت و محبت کا ہے، اور میں ان کا اور ان کے بہن بھائیوں کا بھی بہت احترام کرتا ہوں، میرے ان کے کسی بہن بھائی سے کوئی اختلاف نہیں ہے، اس کے باوجود انہوں نے اپنے بھائی اور بہن کا ساتھ دینے کا فیصلہ کرلیا ہے، چاہے اس کے لیے اپنے بیٹے (یعنی میری) کی شادی کو چھوڑنا ہی کیوں نہ پڑے، میرے والد کی نیت یہ ہے بقول ان کے کہ میں یہ قدم اس لیے اٹھا رہا ہوں تاکہ لڑے ہوئے لوگوں کی صلح کروا سکوں، تو میرا سوال یہ ہے کہ اسلام اور شریعت میں میرے والد کا یہ عمل جائز ہے یا ناجائز کہ وہ اپنے بہن یا بھائی کے پیچھے اپنی اولاد کی خوشی کو چھوڑ دیں ، چاہے ان کے بہن ،بھائی حق پر ہوں یا نہ ہوں۔

الجوابُ حامِدا ًو مُصلیِّا ً

صورتِ مسئولہ میں والد کا اپنے بہن بھائیوں کے ساتھ صلہ رحمی کرنا اور ان کے باہمی اختلافات ختم کرکے صلح کرانے کی کوشش کرنا یقیناً نیک اور قابلِ قدر عمل ہے، لیکن کسی بے قصور اولاد کو محض اس وجہ سے اپنی خوشی سے محروم کرنا کہ اس کے چچا یا پھوپھی اس خوشی میں شریک نہیں ہو رہے، شرعاً مناسب نہیں،لہذا اگر سائل کا اپنے چچا یا پھوپھی سے کوئی اختلاف نہ ہو اور وہ ان کی حق تلفی کا مرتکب بھی نہ ہو رہا ہو اور نہ ہی ان کی ناراضگی میں اس کا کوئی کردار ہو ، تو والد کے لیے یہ کہنا کہ ’’اگر میرے بہن بھائی تمہاری شادی میں نہیں آئیں گے تو میں بھی نہیں آؤں گا‘‘ ایک بے قصور بیٹے کو دوسروں کے اختلاف کی سزا دینے کے مترادف ہے،جو انتہائی نامناسب اور قطع رحمی پر مبنی ہونے کی وجہ سے ناجائز ہے،جس کی وجہ سے وہ گناہ گار ہو رہے ہیں ،انہیں اپنے اس طرز عمل پر نظرِ ثانی کرنی چاہیے،البتہ اگر والد کا مقصد واقعی دونوں فریقوں میں صلح کرانا ہو اور ان کی عدم شرکت سے صلح کی کوئی حکمتِ عملی وابستہ ہو، تو نیتِ اصلاح کے پیشِ نظر انہیں گناہ گار قرار نہیں دیا جائے گا؛ لیکن پھر بھی بہتر طریقہ یہی ہے کہ وہ بیٹے کی شادی میں بھی شریک ہوں اور اسی موقع کو صلح و اصلاح کا ذریعہ بنائیں، اور اپنے بہن بھائیوں کے اختلاف کی وجہ سے بیٹے کو تنہا نہ چھوڑیں،جبکہ سائل کو بھی چاہیے کہ والد کے اس رویے کے باوجود ان کے ادب، محبت اور حسنِ سلوک میں کمی نہ کرے، ان کے ساتھ بحث و نزاع سے گریز کرتے ہوئے نہایت احترام سے عرض کرے کہ "آپ اپنے بہن بھائیوں کی صلح ضرور کرائیں، لیکن میری شادی میں شرکت نہ کرکے مجھے اپنی شفقت سے محروم نہ کریں "امید ہے کہ محبت اور حکمت سے بات کرنے سے مسئلہ حل ہوجائے گا۔

مأخَذُ الفَتوی

كما في صحيح البخاري: عن أبي أيوب الأنصاري أن رسول الله صلى الله عليه وسلم قال: لا يحل لرجل أن يهجر أخاه فوق ثلاث ليال، يلتقيان فيعرض هذا ويعرض هذا، وخيرهما الذي يبدأ بالسلام (باب الھجرۃ، ج:4، ص:2705، رقم الحدیث:6077، م:البشرٰی)۔
وفي مرقاة المفاتيح: (عن أبي أيوب الأنصاري قال: قال رسول الله صلى الله عليه وسلم: لا يحل لرجل أن يهجر) بضم الجيم (أخاه) أي: المسلم، وهو أعم من أخوة القرابة والصحابة. قال الطيبي: وتخصيصه بالذكر إشعار بالعلية، والمراد به أخوة الإسلام، (الي قوله) وقال الطيبي: عطف على يلتقيان من حيث المعنى لما يفهم منها أن ذلك الفعل ليس بخير اهـ. وتكلفه، بل تعسفه لا يخفى، والمعنى أفضلهما في طريق الأخلاق وحسن المعاشرة (الذي يبدأ بالسلام) أي: ثم الذي يرده، وفيه إيماء إلى أن من لم يرده ليس فيه خير أصلا، فيجوز هجرانه، بل يجب لأنه بترك رد السلام صار فاسقا اھ (باب ما ینھی عنہ من التھاجر الخ، ج:8، ص:758،759، رقم الحدیث:5027، م:حقانیۃ)۔

واللہ تعالی اعلم بالصواب
محمد عمر فاروق غفور عُفی عنه
دار الافتاء جامعه بنوریه عالمیه
فتوی نمبر 91162کی تصدیق کریں
0     105
Related Fatawa متعلقه فتاوی
  • والد کااپنی اولادکے مال میں تصرف کرنا

    یونیکوڈ   اولاد کے حقوق 0
  • بیوی بچوں پر خرچ کرنےکا ثواب اور فضیلت

    یونیکوڈ   اولاد کے حقوق 0
  • والدین سے ان کی زندگی میں جائیداد میں حصے کا مطالبہ کرنا

    یونیکوڈ   اولاد کے حقوق 0
  • تین طلاقوں کے بعد ببچے کے حقِ پرورش کی تفصیلات

    یونیکوڈ   اولاد کے حقوق 0
  • دین پر عمل کرنے والے کے لئےگھر والوں کا نامناسب رویہ اپنانا اور ناراض ہونا

    یونیکوڈ   اولاد کے حقوق 0
  • بالغ بیٹی کا خرچہ کس کے ذمہ لازم ہے؟

    یونیکوڈ   اولاد کے حقوق 0
  • عبادت گزار ہونے کے ساتھ گھر والوں کو اذیت دینے والی ساس کا کیا حکم ہے؟

    یونیکوڈ   اولاد کے حقوق 0
  • والد کا اپنے بیٹے کو حرامی کہنا

    یونیکوڈ   اولاد کے حقوق 0
  • والد کا اولاد سے سخت رویہ رکھنا

    یونیکوڈ   اولاد کے حقوق 0
  • کیاوالد کا اپنے لین دین کے متعلق اولاد کو بتانا ضروری ہے؟

    یونیکوڈ   اولاد کے حقوق 0
  • بچہ کا خرچہ نہ دینے کے بعد بچہ کا مطالبہ کرنا

    یونیکوڈ   اولاد کے حقوق 0
  • اولاد کے درمیان, ہبہ و عطایا میں برابری و عدل کا حکم

    یونیکوڈ   اولاد کے حقوق 0
  • والد کا زمین بیٹوں کو ہدیہ کرکے بیٹیوں کو محروم کرنا

    یونیکوڈ   اولاد کے حقوق 0
  • سوتیلے بیٹوں کو جائیداد دینے پر والد مرحوم کی جا ئیداد میں حصہ مانگنا

    یونیکوڈ   اولاد کے حقوق 0
  • باپ کا بیٹے کی زمین فروخت کرنا

    یونیکوڈ   اولاد کے حقوق 0
  • اولاد کی تربیت کے خاطر مدرسہ بند کر دینا

    یونیکوڈ   اولاد کے حقوق 0
  • والد اور بھائیوں کا رویہ اور عزت نفس کا خیال نہیں رکھنا

    یونیکوڈ   اولاد کے حقوق 0
  • والدین اور بچوں کی بیماری کی دیکھ بھال نہ کرنااور تبلیغ پر بیرون ملک جانا

    یونیکوڈ   اولاد کے حقوق 0
  • بیوی کا سوتیلی بیٹی کی پرورش نہ کرنا

    یونیکوڈ   اولاد کے حقوق 0
  • والد کا اپنی انا کی وجہ سے بیٹی کا گھر خراب کرنا

    یونیکوڈ   اولاد کے حقوق 0
  • کیا والد پر بالغ اولاد کے تعلمی اخراجات لازم ہیں؟

    یونیکوڈ   اولاد کے حقوق 0
  • اسلام سے متنفر بیٹے سے کیسا رویہ رکھا جائے؟

    یونیکوڈ   اولاد کے حقوق 0
  • بالغ ہونے کے بعد لڑکی کو والدین میں سے کسی کے پاس رہنے کا اختیار دینا

    یونیکوڈ   اولاد کے حقوق 0
  • بیٹی کا والدہ کے غلط رویہ کی وجہ سے قطع تعلق کرنا

    یونیکوڈ   اولاد کے حقوق 0
  • سوتیلے بہن بھائیوں کا خرچہ اٹھانے کا حکم

    یونیکوڈ   اولاد کے حقوق 0
Related Topics متعلقه موضوعات